第三屆環保開學祭及文具回收站@東港城(至12年9月2日)

距離9月開學仲有一個多星期，各位同學仔準備好迎接新學年未啊?

東港城由8月24日至9月2日會舉行「第三屆環保開學祭」，無論你想添置文儀用品、書包、圖書、教材、甚至電腦周邊產品都可以係呢度搵到。而同樣正準備開學嘅櫻桃小丸子亦都帶來特色文具及上學用品，陪完大家過暑假再陪大家開心上學去！

另外，東港城一樓會設置「文具回收站」收集大家用舊咗嘅書包、電腦、電子教學用品等，將物品轉贈俾區內低收入家庭學童，可以環保，又可以物盡其用，希望大家多多支持啦~