由彭浩翔執導的《春嬌與志明》威到盡，埋單收近3千萬，成為今年暫時最高票房的華語片。
彭氏效應強勁，同樣出自彭導的《低俗喜劇》，食住土炮電影條水，加埋大量港式地道粗口引起𡃁界狂捧，上畫4日已收近700萬。從未做過女一的DaDa（陳靜），明知《低》片肯定有noise，雖然片酬唔多，依然不惜飛釘上陣，卒之俾佢博到，今年更會有兩套新戲排隊開，唔使再做𡃁模賣肉。
泊到彭導呢個大碼頭，凸吓點又有咩所謂喎！
都有6位數嘅！真實對白
憑《春嬌與志明》升呢做3千萬導演，彭浩翔今次的《低俗喜劇》唔再談情，反而玩cheap玩賤。成套戲用12日拍完，戲中粗口多到數唔到，幾乎每句都有各式各樣的粗口單字，又加插人獸交、口交等情節，絕對係近年港產片中罕見。
DaDa戲中絕技係含住爆炸糖幫人口交，雖然擺明係借位拍，但網友都話睇到好high！
對白夠抵死，彭導又搵𡃁模出身的DaDa做女主角「爆炸糖」，估唔到觀眾會激讚DaDa做得好，彭導對DaDa演出亦畀足like。「我睇過佢之前兩套戲（《潮性辦公室》和《喜愛夜蒲》），覺得佢係不斷進步緊，同埋佢外形好適合呢個角色，做得亦夠放！」
其中一幕素顏飛釘打機戲，由於DaDa的兩點太凸出，令觀眾懷疑效果係後期加工，其實DaDa並冇做假，拍攝當日導演刻意清場，現場只得彭導、杜汶澤同DaDa三人，為求飛釘效果夠明顯，彭導刻意開大冷氣令DaDa更有「反應」。
口交冇難度
又要凸點又要用爆炸糖幫阿澤口交，據知DaDa犧牲大又片酬少，不過在《喜愛夜蒲》試過更激演出的DaDa，講到明唔介意做「爆炸糖」。週一（13日）她對本刊說：「拍呢啲（口交）場面冇難度，因為全部係借位拍，反而內心戲先考起我，而且我背對白唔叻，導演又執得好嚴格，例如我有時將『好喎』講做『好呀』，但導演堅持我唔可以改，所以我最初好緊張狂NG，阿澤仲話如果冇我阻住晒，套戲8日就拍完！」
阻人收工嘅DaDa，被問到賤價片酬即黑面，然後狂話唔覺低。「都有6位數嘅，不過個角色咁有發揮，我都好滿意喇！」
咁識講嘢，DaDa一定有排撈！
《低俗》收得，彭導、杜汶澤和DaDa行勻港九新界謝票，為咗配合套戲，兩個男人喪講粗口引觀眾笑，又送爆炸糖畀現場情侶，叫女嘅內服、男嘅外敷，超抵死！
「大陸好多題材唔×拍得：鬼片，可以拍，但唔可以有鬼；貪污片唔×得，因為泄露國家機密！」
「我外父同阿田（田蕊妮）講，話呢套係我成世拍得最好嘅一套，之前套《伊沙貝拉》，佢話睇完都唔知佢個女嫁咗個乜×嘢人！」
「我哋一隻騾仔，贏咗《荒失失奇兵》一群動物！三級贏3D！」
必睇3大爆笑位
人騾4P
阿澤同好兄弟雷宇揚上廣西搵黑社會大佬鄭中基投資拍戲，鄭請兩人食野味同「牛歡喜」(牛女的生殖器官)，之後仲搵槍迫佢哋一人搞一隻騾仔，受驚過度下更唔記得戴套！由於陰影太大，斷咗片嘅阿澤片尾要搵催眠師麥玲玲幫手搵番當晚記憶。
揦西出事
飾演阿澤助手嘅Fiona做事馬虎，經常被鬧「揦西」，點知鬼妹仔中文渣，以為阿澤叫佢「舔x」，仲搵平機會(楊千嬅飾)投訴阿澤性騷擾。而千嬅同阿澤落口供一段更大玩中文語法，笑爆嘴！
邵音音勁爆粗
鄭中基飾演的廣西大佬極愛邵氏脫星邵音音，要求阿澤搵音音姐翻拍當年經典《官人我要》，更諗定續集名，分別叫《官人我又要》、《官人我再要》，同《官人我仲要》！初時音音姐聽到幾十歲要剝衫，狂用粗口問候阿澤，後來阿澤諗到用DaDa做替身key音音姐個頭上去，一度俾鄭中基鬧爆佢侮辱童年偶像。
