賈曉晨（JJ）近日被爆與年紀相差10年的樊少皇戀上，即使樊少皇在內地拍劇，JJ忙於在港宣傳，二人相隔兩地仍不時靠微博傳情。
但據知其實樊少皇早已跟一國內女子育有一4歲大兒子，此外更有一穩定女友，但樊少皇依然狼溝JJ，傻更更JJ做咗小三都唔知。當本刊告知她樊少皇生埋仔扮單身，一臉錯愕的JJ才如夢初醒，「如果真係有，我要考慮清楚！」趕得切嘅！
樊少皇剛剛在橫店拍完劇集《新白髮魔女傳》，其間多次在微博寫「早晨」，被指「晨」字是想引起賈曉晨注意。
賈曉晨和樊少皇因為在微博放了同一間餐廳的照片，眼利網友即時踢爆戀情，39歲的樊少皇更不時在微博刻意用「早晨」、「晨光初現」等字眼冧JJ，見「晨」思人非常咁浪漫。
餐廳露馬腳
JJ和樊少皇分別在七月尾及八月頭放了一間餐廳的照片上微博，雖然沒有拍到人樣，但也被揭發兩人戀情。
樊少皇多次用「晨」字冧JJ，JJ回應話：「我都冇留意，係記者講我至知道，我諗唔係畀我睇啩。」
瞞上瞞
其實自從早前JJ與沈震軒分手後，獨自在港生活，一直渴望有仔陪伴，這次被體貼又浪漫的樊少皇力追，就算比她大10年亦冇所謂。
但知情人士透露，其實樊少皇幾年前在內地結識了一女友，兩人來港在黃埔定居，未有結婚但生了個兒子：「佢個仔家4歲大喇，不過樊少皇之前同朋友講話已經分咗手，最近同另一個內地女人拍緊拖，樊少皇一向對私事都好小心保護，呢件事唔係好多人知，JJ都唔知㗎！」
成日話忙到冇時間拍拖的JJ，週一（13日）向本刊解釋同樊少皇的關係：「互相了解緊囉！其實一早知呢個人，但係上次洪天明婚宴嗰日係第一次傾偈囉！佢追我？佢好怕醜㗎！傾多兩句佢就面紅㗎，人品就真係好好。我哋之後有食過飯，不過係有其他人一齊嘅，平時同佢有SMS聯絡囉！但大家分開咁遠好難發展嘅！」
記者問JJ是否知道樊少皇有個4歲兒子，她即好大反應話：「唔係嘛？真係㗎？冇聽過喎！如果真係有，我要考慮清楚！」早前JJ曾秘密返內地，因而被傳秘會樊少皇，JJ就解釋：「我成日返鄉下，可能會成班一齊出嚟囉，唔係好記得喇！」做小三已經唔好，唔覺意做埋後母仲弊，JJ真係要查清楚喎！
洪天明和樊少皇分熟老友，在內地拍劇時也約埋食飯，JJ亦是在洪天明婚宴上認識樊少皇。
JJ前年與沈震軒拍《上海闖蕩》撻着，但JJ一直唔肯承認對方關係。《忽然1周》圖片
樊少皇又拍戲又拍劇，今年跟楊冪合作電影《大武當》（左），又跟吳奇隆、劉思彤拍內地劇《新白髮魔女傳》（上）。
樊少皇入行以來情史不算多，多數與同劇女星傳緋聞，今年初的《北京愛的故事》就傳出他跟佟麗婭撻着，及99年拍《少年英雄方世玉》時與李婷宜拍拖。
39歲的樊少皇由童星做起，在影圈浮浮沉沉，直至08年《葉問》中演金山找，演藝生涯才起飛，片酬由20萬跳升至80萬，片約不斷及多留在國內拍劇。而老豆樊梅生在邵氏年代當紅，多演武打戲，但只住市值160萬的紅磡舊樓。
JJ捱到內分泌失調
29歲JJ話工作忙到連拍拖都冇時間，她更喊住向記者呻根本冇得休息，導致內分泌失調：「好慘呀！我啲M（經期）嚟完又嚟，日日頭痛、頭暈、小腹痛，早幾日去咗法國醫院睇婦科，醫生話我內分泌失調，一見我就問我係咪好耐冇瞓，我都想瞓，但呢排太多嘢做！」
剛播完的《飛虎》做大賊婆、又有《怒火街頭2》，JJ上星期拍《法網狙擊》時更因精神太差，不慎在斜路跣腳仆親扭親右手手腕，她說：「拍劇之餘要宣傳本書，拍咗個內衣廣告又要宣傳，仲要錄唱片，我實在頂唔順，之前夾硬請咗幾日假返鄉下探屋企人當休息，你話我邊有時間拍拖吖。」
啲M嚟完又嚟！真實對白
JJ宣傳《飛虎》時忍唔住向記者哭訴，稱近排忙到內分泌失調，經期亂晒籠。
因為過度疲累，JJ日前拍攝《法網狙擊》時不慎跌親扭傷右手，出席宣傳活動時要包住手腕。
賈曉晨頭痛又小腹痛，要請假到法國醫院睇醫生。
鄉音捱插
JJ：做得好差咩？
雖然開劇冇停手，但JJ的演技卻被觀眾批評，更指她廣東話唔正，與苟芸慧、金剛、岑麗香合稱「鄉音四人組」。JJ得悉後話：「唔係啩，做得好差咩？人哋淨係睇到我有口音，我覺得有進步，但要講到香港人咁，梗係冇可能啦！」叫廣東話好掂嘅樊少皇教吓你囉。
在《飛虎》做大奸角，與馬國明演賊公賊婆，JJ說是個大考驗，可惜觀眾仍嫌她演技麻麻。
JJ在《怒火2》和李璨琛同樣被情所傷，日後將發展成情侶。
