衞蘭衞詩氹大細細路

上個月先開完2場演唱會嘅衞蘭，之後就放大假休息，早兩星期，FBI撞到佢同女友人喺海運shopping，同行仲有個細路仔添，素顏Janice真係有啲趕客，黑眼圈又深，不過就好有愛心，同個仔好friend咁。

隔咗一粒鐘，FBI喺海港城嘅city'super，就撞到亦都肥咗唔少嘅細妹衞詩同男友Tim撐枱腳，佢哋就快拉埋天窗sweet到爆，食完嘢搭電梯時仲情不自禁咀啖，成個大細路咁，兩姊妹同場出現，做乜唔見吓啫？


同男友Tim全程糖黐豆，搭電梯都要咀番啖。



Janice上年同外籍男友Roger分手，身形暴脹黑眼圈超勁，睇嚟仍未走出分手陰霾。不過見佢好照顧同行嘅小朋友，似乎係賢妻良母，咁有愛心唔驚冇人吼嘅。