上月尾舉行嘅「第14屆台北電影獎」，楊雅喆執導嘅《女朋友．男朋友》成為大贏家。呢套由桂綸鎂、張孝全同鳳小岳主演嘅台灣電影，亦成為咗「香港夏日國際電影節」嘅開幕電影，一開售就賣晒飛，證明呢類好似《那些年》一樣回憶青春愛火嘅電影永遠受歡迎。
《女朋友．男朋友》故事講述兩男一女，歷經30年嘅愛情同友情嘅糾纏。講開《女》片，FBI當然最關心純女桂綸鎂一場破格背脊全裸床戲啦。桂綸鎂話由於緊張，拍嗰陣過咗火位，令導演NG咗3、4次，反而佢對手鳳小岳就好輕鬆自然，令佢可以愈拍愈放鬆。桂綸鎂仲話佢覺得拍床戲完全唔浪漫，同佢之前諗嘅情景有出入，而且仲有好多技術問題，搞到佢一啲都唔enjoy咁話，戴立忍真係可以放心喇。
張孝全（中）原本同桂綸鎂青梅竹馬，亦係桂綸鎂（右）同鳳小岳（左）嘅中學同學，即使後嚟桂綸鎂同鳳小岳去到大學時期發展成情侶，佢都無同二人反面，反而成日三人行。
大學畢業後桂張二人失去聯絡，後嚟再重遇。桂同張講：「如果到了30歲，我們倆都沒有人愛，那就在一起吧。」張孝全雖然無反對，但CIA就覺得又係玩暗戀玩曖昧，「娘」咗啲囉
除咗桂綸鎂要露背，張孝全都有半裸出浴場面。
