自從公開承認戀上天后容祖兒，呢排拍緊劇集《第二人生》嘅劉浩龍，日日放工都高度戒備，聽講仲會坐唔同人嘅車出入，怕行蹤敗露，冇機會同Joey見面。
星期一（十三日）係劉浩龍三十六歲生日，有傳佢已經請定假，準備人肉速遞北上搵女友，因為Joey呢段時間要武漢、佛山、東莞、廣州巡迴宣傳新戲《DIVA華麗之後》，要見面一齊過生日，唯有長途跋涉。
生日前夕（十二日），劉浩龍拍完劇收工，雖然叫定朋友護航截記者車，不過因為週日塞車，車陣計劃失敗，劉活龍返到屋企樓下，棄跑樓梯，問乜都唔答，而正日當日更全日失蹤唔見影。莫非佢嘅人肉速遞計劃，成功咗？
返到屋企，有唔搭跑樓梯，仲差啲仆一仆。
Joey近期同胡歌頻到內地宣傳新戲，有傳劉浩龍會北上會佳人，同女朋友一齊慶祝生日。
