最近無綫小生逐個出事，個個都衰喺女人手上，搞到樂大媽頭都痕。好彩仲有啲仔係生性嘅，好似近年喺無綫撈得唔錯嘅黃浩然，零緋聞仲有大好家庭。日前媽咪姐就撞到佢抱住囝囝陪老婆嘉嘉shopping喇！
當日黃浩然喺ifc某間首飾店入面行來行去，老婆買嘢，佢唔單止俾意見，仲全程負責抱住囝囝。一家大細shopping完畢去停車場攞車，黃浩然第一時間安頓好囝囝喺car seat坐好，臨上車前發現鏡頭仲笑住講byebye。媽咪姐當時心諗，呢啲又靚仔又有家庭觀念嘅絕世好男人，仲有幾多個呢？吓！
黃浩然陪老婆嘉嘉揀完飾物，跟手負責埋俾錢。
買完嘢離開，黃浩然緊抱歲幾嘅囝囝。面仔圓圓嘅囝囝食住奶嘴，非常可愛。
