自與陳司翰分手之後，雖然有指莊思明同德國、越南混血型男撻着，但佢就成日被記者撞見黐實家姐、細妹，拍拖都唔知堅定流。早前，思明同細妹思華到跑馬地食飯，今次連老豆莊寶（中國光大控股前主席）都出動，食完飯3父女仲去咗成和道食乳酪，兩姊妹全程望住牆上面嘅明星照片，又同老豆交換吓乳酪味道，係爭莊思敏唔見影，一家人甜到入心，感情相當唔錯，冇拖拍都唔緊要啦。
走嗰陣，莊思明幫爹哋推住度門，幾孝順。
食完甜品，思明（中）仲車老豆返屋企，真係孝順女。
莊氏姊妹出身富裕家庭，莊父莊寶係中國光大前主席，莊母江玉珠係前亞視藝員，一家五口感情相當好。
