《今日我至錫》滿載而歸
單親媽模Mia前晚趁空檔，幫就快開學嘅一對仔女買文具，喺M記食嘢嗰陣，囡囡仲好乖咁餵媽媽食雪糕，咁生性媽咪實錫晒你！
《沙田》
現年23歲媽模陳靜儀（Mia）一直好錫囝囝同囡囡，失婚後佢母兼父職，近年仲賣肉谷寫真兼拋胸參演電影《喜愛夜蒲2》，希望賺多個錢畀一家過優質生活。仲有兩個星期暑假就完結，6歲長女9月升讀小一，話晒對小朋友嚟講呢個係新階段，Mia都好緊張，佢前晚就趁唔使做嘢，帶咗一對仔女喺沙田行商場買文具，準備為新學年做準備。
踎地揀筆
掃兒歌碟
甜餵雪糕
倒瀉雪糕都唔鬧Mia一拖二行文具部，細心幫囡囡挑選新書包同筆袋，同時又買咗畫冊同顏色筆畀就讀幼稚園嘅囝囝，一啲都唔偏心。難得媽咪唔使開工陪佢哋親子，囡囡當然爭取機會提出無限訴求，佢經過賣兒歌CD嘅貨架，馬上要求媽咪都買一份，Mia最近工作唔停，收入多咗，對子女零舍濶綽，三母子血拼完，仲去附近嘅老麥開餐，兩個細路見到又薯條又雪糕，仲有大堆禮物，開心到笑唔停嘴，就算囝囝唔小心倒瀉雪糕，Mia都只係掛住照顧，唔捨得鬧佢。
