早幾年話戒煙嘅Baby，近日喺片場同趙又廷煲煙斷正，睇Baby個樣都唔係今日至煲㗎啦！
【橫店】
模始祖楊穎（Angelababy）形象一向清純，不過08年俾人影到當街煲煙，佢就話只係貪玩學人食煙，仲聲言會即刻戒煙。事隔幾年佢都似學乖咗，但原來仍然未搣甩煙癮！
工作人員幫Baby（左）點火
Baby今次嘅戲服都幾性感，罕有露事業線。
片約不斷日前Angelababy同趙又廷等人到橫店拍徐克執導嘅新片《狄仁傑前傳》，竟然同趙又廷着住古裝衫，喺片場密密煲煙，睇嚟Baby話戒煙都係得把口，不過佢為咗呢套戲，將下半年嘅工作推晒，咁識做，難怪佢片約不絕，除咗拍電影版《痞子英雄》外，佢之前拍馮德倫嗰套《太極》會分兩集喺下個月推出，Baby喺戲入面會耍番兩手太極，劇照見佢都耍得有板有眼，應該做咗唔少功課。
