現年59歲的鍾鎮濤（阿B）和女友范姜育有兩女，昨日他們為女兒鍾懿在迪士尼慶祝生日，阿B笑言被愛女逼婚，決定給范姜「鍾太」名份，計劃最快明年跟女友拉埋天窗。
阿B嘅二女鍾懿噚日慶祝8歲生日，連同父異母嘅哥哥姐姐都嚟埋，唔計章小蕙，應該係近年最齊人嘅一張相嘞。
鍾鎮濤跟前妻章小蕙於99年離婚後，與女友范姜共同生活多年，先後誕下兩女鍾懿和鍾幗，昨日阿B一家到迪士尼為鍾懿補祝8歲生日，同父異母的哥哥嘉浚和姐姐嘉晴都有出席，還安排逾百名小朋友到樂園遊玩，與眾同樂。鍾懿跟妹妹鍾幗着姊妹裝，壽星女還唱歌助興，她表示生日願望是父母和契爺契媽身體健康，問想不想越大越靚？她天真說：「好呀。」
鍾懿成功向父母逼婚，難怪笑到見牙唔見眼
工人傍住鍾幗到樂園遊玩。
減20磅影婚紗相阿B踢爆囡囡願望是做歌星，鍾懿咔咔笑說：「我想做super star。」他還讚囡囡是福娃，出世後自己工作穩定，身體又健康。阿B更笑言被囡囡逼婚，故有意明年結婚，他說：「睇吓得唔得閒先，今年太多朋友結婚，聽講去完朋友婚禮三個月內唔好結婚。」
不過，阿B承認跟范姜有共識：「佢咁辛苦跟我咁多年，希望佢開開心心，其實佢對名份唔係好緊要，通常都係鍾懿逼婚，佢見同學仔屋企有結婚相，就成日催我哋結婚。」
范姜也坦言諗過結婚，對於阿B指她辛苦多年，范姜說：「結完婚都辛苦，但未得閒結住，因為好多朋友結婚，出年阿B又有好多工作，家都定唔到時間。」會否先影婚紗相？她笑說：「阿B要我減20磅先。」
