美食博覽今日開鑼，好食之徒都會循香而至，今年1元優惠明顯減少，展商寧推更多優惠或新產品，尤其方便繁忙港人的懶人食品，如由海味舖老闆娘親手調製的糟鹵鮑魚，也有即叮即食八寶飯，或名廚炮製的歐陸菜等，而日式月餅則是賀節另類選擇。記者：翁煜雄常以1蚊鮑魚等作招徠的恒興行負責人廖淑雯稱，如此促銷其實對生意幫助不大，「買一蚊嘅好多都冇買其他嘢」。今屆寧以優惠套裝，如花膠及新西蘭罐頭翡翠鮑套裝等吸客。她又新推即食海味，「出面嗰啲多數係食物廠做㗎」。她以上海菜烹調方式製的糟鹵鮑魚，將20隻小鮑魚用糟鹵汁、酒等醃數天，「酒味又唔可以蓋過啲鮑魚味，試咗百幾二百隻鮑魚先成功」。她又自家製麻辣海參，「好多人一聽到要煮海味就驚」。她又自製慢烤新西蘭羊架，「返到屋企，兩面煎一煎就食得」。
恒興行首推糟鹵鮑魚，即開即食，充滿酒香。
急凍八寶飯兩包$30「都聽說香港人沒空煮食」。五芳齋引入急凍八寶飯，總經理李莉說，八寶飯在港多只在餐廳供應，「現在這些只要放入微波爐一叮即吃」。她說急凍八寶飯兩包賣30元，「香港店家一客也要30多元啦」。五芳齋也帶來三角飯糰供免費試食，「裏面有海鮮」。
「無飯」主婦另一佳音是聯記號推出的名廚Ricky炮製即食歐陸菜，包括燴羊膝、羊腩等四款，加熱便可上碟。負責人Winnie說，顧客對即食食品的質素要求日高，故新引入100元5包的宣威火腿即食片，「係宣威火腿切完剩下嚟嘅火腿片，好似燕窩碎咁，質素一樣咁好但平好多」。她也推羊肚菌、松茸及牛肝等套裝。
「啲人已經對日本食品有番晒信心」。Shintaiho發言人說今年攤檔面積增大，並增加優惠，如特價北海道3.6牛奶等。「月見即是中國人的中秋節，我們也吃點餅點」。日本老餅店月寒負責人Makoto說，日式月餅其實是以本來用作餡料的白豆磨粉取代麪粉製成的餅皮，口感更乾爽，內含抹茶、芝麻、紅豆、豆沙等。
除今日推限量20個一蚊即食鮑魚盆菜，安記也新設懷舊攤檔，「呢啲燈、中國數字，以前海味舖會見到㗎，仲有掛住嘅鹹魚」。他說若沒颱風，預料生意會升10%至20%，「生意上半年跌咗10%，啲人用錢審慎咗，等有優惠先嚟展覽買嘢」。他會推90元兩包厚花菇，「兩年前一包都要50至60蚊」。鴻星則每天推出限量100隻原價196元，現售1元的波士頓龍蝦。
