Facebook 6型人格，你是哪一種？

真實世界的朋友貴精不貴多，但不同類型的朋友你也應該幾位，那在虛擬世界的Facebook又最好要有邊幾類朋友呢？在Facebook「集郵」集齊以下類型，我們的虛擬生活可能變得更完滿。你自己又是哪一種，會否是綜合到型人呢？

行縱報告型
常常在news feed發現他們打卡發佈所在地點，而且誓必要tag埋同行朋友。表面看來可能無聊得來又annoying了一點，但至少從中得知假日好去處或城中火熱events，就連朋友之間的hang out頻密程度也一目了然，圈子內的親疏之別不用估估下。

生活趣味型
長期分享飲飲食食、機場登機牌或寵物生活點滴等照片。有得睇無得去無得食，特別不是味兒，如果不喜歡寵物就更加難免諗「又係呢隻嘢？！」。但諗深一層，放工之後大家又有幾多時間去搜集飲食及旅行情報，可以唔使對著人類世界的麻煩事？調劑一下唔好咩？

開心Share型
最喜歡分享喜悅心情，小至執到兩蚊大至升職加薪結婚都會一一分享，就算是不愉快事件落入他們的Facebook也成為一種學習的機會。相傳快樂會傳染，Facebook有這一類朋友的news feed，簡直變成精神力量的泉源，人都即刻充滿活力！

負能散播型
「唉唉唉……」唔係怨番工爆忙、老細極煩，就係嘆情人唔夠溫柔體貼，少少事情都變成世界末日吵蝦拆蟹。的確，睇得多呢種負能量的積極擴散真係人都癲，但無呢種朋友，你又點會深深體會、欣賞自己的正面及快樂？

齋Like唔寫型
唔like都唔記得原來有呢種朋友存在，基本上news feed永遠唔會出現他們分享的文字或相片，因為他們只會like其他人的post，就算極端至逢post必like都唔會寫一粒豆號。從他們身上，各位至少學會了在背後默默支持的美德，以及明白到朋友是要維繫的。

理想志向型
年年7‧1、次次遊行均會看到他們成身汗的遊行照，呼籲踴躍投票更是毫不留力，爭取民主、自由、公義、反霸權是他們的口號。我知，各位可能對政治及社會的弱勢社群不太關心，但這種news feed的出現提醒我們生活可以不只是番工放工吃喝玩樂，理想、夢想也可以是生活的熱情！