雖然一劇接一劇但上遊戲節目攞禮物攞着數，陳敏之絕不say no。星期一（六日），《壹》仔响銅鑼灣一間鑽飾店見到陳敏之，攞住大大疊五百蚊現金coupon，諗住換啲鑽飾戴吓！
左揀右揀，最後揀咗隻價值萬幾蚊嘅皇冠戒指。陳敏之手上嘅coupon，原本夠俾有凸，但女人shopping冇掣，陳敏之仲未肯收手，仲大大聲問店員：「鑽石顏色係咪由A開始？」既然咁都問得出，店員耐心地逐一解釋有關鑽石知識。
八珍提醒閣下一句，日後男友同你求婚，記住冇卡卡聲嘅D color，咪嫁！
唔使錢換咗隻皇冠戒指，仲有店員教佢分鑽石等級同學問，有賺。
陳敏之同姓雷男友拍拖多年，學定鑽石知識等收戒指係時候。
