安仔（左）患重感冒，仍然落力跟康仔跳辣身舞。
蘇永康前晚在灣仔伊館舉行尾場演唱會，前輩徐小鳳到台前獻花，嘉賓有謝安琪及許志安。康仔和謝安琪合唱《囍帖街》，他說：「如果呢首歌由我唱會好悲慘，我係過來人，贍養費真係好貴。」
徐小鳳親自到台前獻花，令康仔受寵若驚。
安仔出場和康仔合唱《爛泥》，康仔感謝安仔患重感冒依然到場：「聽日係安仔44歲（查實是45歲）生日，大家同佢講生日快樂。」個唱後問康仔怎跟安仔慶祝？康仔說：「佢話收埋48小時，叫大家唔好搞佢。」傳安仔和鄭秀文結婚，康仔坦言安仔不喜歡朋友多提。另外問當年離婚贍養費是否真的很貴？康仔說：「唔好提，咁多年嘅事，男人要負責任有腰骨，所以希望梁振英快啲發牌畀王維基。」
此外，廖碧兒跟蘇永康合作拍劇，她送花籃祝賀，怎知送錯去紅館，被工作人員貼上微博取笑。
