商台公關昨日在微博上載一張陳志雲和林海峰有傾有講的合照，力證兩人沒不和。
陳志雲、白雪仙、陳寶珠等前晚到尖沙嘴欣賞音樂劇《一屋寶貝》，有傳志雲入主商台後炒林曉峰（Lo）魷魚，令其兄林海峰（Jan）嬲爆拍枱鬧人，前晚阿Lo有份演出，開場前兩人大方握手又拍晒膊頭，志雲又恭賀對方「Good show」。
志雲對近日是非回應說：「完全係創意報道，我同Jan相處好好，佢請假係準備同草蜢嘅演唱會，絕對唔係離開，阿Lo唔係被炒，係節目調動。」阿Lo表示不知道阿Jan拍枱鬧人，他說：「我冇問佢，佢唔會唔做商台，佢係鎮台之寶。」
