《今日我至硬》
周慧敏前晚如常以一貫玉女pose見人，但笑容略嫌生硬，仲要戴個老土短髮，即時冇晒女神feel。
周慧敏前晚在W酒店出席首飾活動時戴了一個假短髮，她笑言就算剪短頭髮，老公倪震也不會投訴：「作為夫婦，佢高分啲，佢天生細心，生活上照顧我。」她指倪震為了遷就她，睡房長期保持25度：「我好怕凍，瞓覺要用被冚住耳仔，佢有時半夜會起身幫我冚被，我要去其他地方做嘢，佢都會就我時間。」
近期藝人因為在微博發表奧運感想，動輒被網民狂鬧，周慧敏說：「我都慶幸自己一直堅持無開微博，好多開咗嘅朋友，都叫我唔好開，話講錯一句好大反應，我有官方網站可以分享，所以唔會開，珍惜自己嘅私人空間。」
