翁虹自願露底

上星期四（七月二十六日），翁虹以代言人身份，現身上海出席內衣品牌活動，囡囡都五歲大嘅劉太，面目冇乜大變，身形亦keep到，但四十四歲熟女，拍過三級片嘅翁虹都冇勇氣著內衣行show。

活動當日，翁虹露肩one-piece短裙上陣，心口開有大窿，盡可能少布！加上裙短兼筒形設計，一坐低，翁虹就露出熒光藍色底褲。入行廿三年，當然明知一定會走光，但當事人只係偶然用手㩒吓兩腿，大部分時間漏窿，擺明放棄嚴防。

翁虹用露底做內衣宣傳，用心良苦！




坐喺品牌高層中間嘅翁虹，下意識用手掹長裙身，有姿勢冇實際。