星期六（28日）媽咪姐同honey拍住拖去旺角新世紀廣場睇杜汶澤套新戲《低俗喜劇》，喺散場時，竟然見到佢同女主角「爆炸糖」（陳靜DaDa飾演）嚟謝票喎！
咁杜生殺到落旺角，唔會兩手空空嘅，佢先同大家講，陣間有「爆炸糖」派，再陰陰嘴笑住話：「嗱！各位女士可以帶返屋企，正所謂外敷內服，好似雙飛人藥水一樣嘅！」全場即刻大笑。然後佢攞把「事業扇」出嚟，指住扇上嗰張疑似乳溝相話：「呢條事業線唔係DaDa嘅，係我個屎忽嚟，所以你返去諗住用嚟打×機就大鑊嘞！」咁樣講吓笑吓都講咗成10分鐘，媽咪姐終於覺得套戲抵睇咗呀！
齋企
杜生話幅相係佢pat pat？有無咁滑呀？而包糖就唔太甜，仲幾爆炸喎！
