情場浪子吳卓羲，與國產女友張馨予拍拖年半以來，女方頻頻出招迫男方認頭，其間兩人多次離離合合。正當吳卓羲屈服發表愛的宣言箍煲，張馨予卻反高潮偷食內地紅小生李晨，更高調宣布與吳卓羲分手。
以為吳卓羲被大陸女星玩謝，無奈死撐︰「記者問我才知道（分手）……佢開心就夠！」其實他一直背住張馨予，與圈外女友×小姐秘密交往。而飽嚐三角戀煎熬的×小姐，最終難忍男友一腳踏兩船，向本刊大爆被吳卓羲收埋年半，及為了迎合男友性癖好影裸照。其間兩人尚有大量情慾短訊及吳卓羲命令她拍情慾照的錄音，男方縱慾生活暴露無遺。
吳卓羲愛高䠷妹，張馨予及×小姐一樣，樣靚身材正！
富貴×小姐
佢好識我做愛（真實對白）
不願公開真名和樣貌的×小姐，年半來和吳卓羲偷偷摸摸之餘，更拍下不少裸照，接受訪問時更不禁飲泣。
狂發色慾短訊
吳卓羲和隱形女友交往後，經常和對方以SMS和微訊（國內通訊形式，用法似WhatsApp）兩個渠道溝通。不過吳卓羲與對方的對話內容，經常刻意提及性事，用字露骨。
自拍裸照
吳卓羲收埋隱形女友年半期間，經常自拍牀照和裸照色誘對方，最後更開到口話要交換裸照。
牀照上牀
今年4月，身在外地拍戲的吳卓羲慾望高漲，於是就自拍牀照，更遙距叫×小姐一齊瞓。
半裸落疊
今年6月，吳卓羲希望收藏×小姐的裸照，於是他提出交換，更索性自拍半裸露肌相，對方落疊。
苛索鹹濕相
×小姐就範拍下裸照傳俾吳卓羲，不過吳就嫌唔夠喉，要求對方「拉高啲」和影得「鹹濕啲」。
早前有傳媒拍下李晨醉酒到張馨予香閨過夜的照片。大陸女星果然有計，換仔話咁易！
X小姐年僅廿五歲，五官標致，樣子有點像諸葛紫岐，身高約五呎五，身材玲瓏浮凸，外形絕不比張馨予輸蝕，當日她是駕着價值百多萬的Benz跑來做訪問。原來，她與吳卓羲的一段情始於10年尾，這段情慾關係拖拖拉拉年半有多，直至今年6月29日，吳卓羲在微博公開與張馨予的關係，才正式告終。
談到兩人認識，×小姐長嘆一聲，娓娓道來：「我同Ron（吳卓羲）喺10年尾一個朋友唱K聚會認識，當晚大家交換咗電話。11年2月後，佢主動SMS我同打俾我，咁好快我哋就自然咁喺埋一齊。
「初頭都幾sweet，但一齊無耐佢就忙拍《學警》，直到有一日我睇報紙，見到佢去機場接張小姐嘅報道，我就忍唔住鬧佢。佢當時仲話我白痴，話係公司宣傳手法，話都冇影到拖手，點會係一齊。當時我惟有信佢，不過嗰次之後我好無安全感，佢都知，所以佢買咗隻Chanel戒指俾我，話我至係佢女朋友，隻戒指係定情信物。」
匿埋屋企做愛
×小姐與吳卓羲拍拖以來，一直很低調，她為了保護這段感情，連家人都要隱瞞。兩人約會地方多數在男方屋企。因為吳卓羲不想戀情曝光，莫講出外食餐飯，連合照吳卓羲都不肯影。
說到這裏，×小姐眼泛淚光：「Ron不嬲都好小心，佢每次要我隨傳隨到。我想同佢出街食餐飯，佢都話怕俾記者影到，次次惟有匿喺屋企煙韌。我哋一齊咁耐，連合照佢都唔肯影，但偏偏嗰個大陸妹（張馨予）就咁高調玩嘢。雖然Ron猛話同佢係煲水新聞，但我一直半信半疑，無幾耐我見到個女人（張馨予）pose咗隻Chanel J12錶喺微博，直覺話我知一定係Ron送俾佢。因為咁我又同佢嘈，但每次佢都會用唔同嘅藉口解釋，而我亦因為太鍾意佢，變咗逆來順受。」
拍拖年半有多，×小姐與吳卓羲每次見面，節目就只有做愛，就連吳卓羲返大陸拍劇，他亦要×小姐自拍情慾照，滿足其慾望。
冧仔拍淫照
×小姐愈說愈激動︰「初時影呢啲相真係好尷尬。我係正經女仔，屋企環境唔錯，老竇做時裝生意，從小係父母嘅掌上明珠，但係為咗佢我放低自己嘅尊嚴。為咗迎合佢，咗影好多淫照。我唔介意佢呼之則來，揮之則去，只係忍受唔到佢一腳踏兩船……」
「上年11月，個女人（張馨予）post咗張相（張馨予坐在吳卓羲寓所的梳化）上微博，我簡直癲咗，即刻cap低send俾佢。但呢次佢無再覆我，嗰刻我完完全全知道佢根本一直都係呃緊我。我好憎自己咁蠢信佢，真係好後悔。但同佢都拖拖拉拉咗幾個月，想斷又斷唔到。
「可能男人不壞，女人不愛。佢冧女好叻，好識我做愛，我哋有過一段甜蜜嘅日子。不過我真係分唔到佢幾時係真忙？幾時係因為個女人嚟咗香港要陪佢？成日因為呢件事去嘈。我都覺得自己係潑婦。但上年12月發生嗰件事（張馨予入侵吳卓羲微博，在他家中上載自己未落妝的牀照）令我真係死心，我哋嗰時真正分手。」
5月，隱形女友發微訊關心身在外地的吳卓羲，不過吳卻回覆話要做愛。記者翻查資料，當時吳和鄧麗欣於四川拍攝《凶間雪山》。
男女三角關係
記者根據×小姐給予的電話，致電吳卓羲，證實是他本人，而吳的電話號碼幾靚，最尾是全「4」。而吳卓羲周旋張馨予和×小姐兩女長達年半，錯綜複雜。
去年2月撻着
吳卓羲去年2月溝掂×小姐，二人繼而交往。不過張馨予經常在微博晒自己在吳家過夜，令×小姐大怒，SMS向他抗議。
去年6月齋迷馨予
吳卓羲去年和張馨予打得火熱，試過揸戰車到機場接她返家。令當時吳卓羲和×小姐少了聯絡。
送Chanel冧女
吳卓羲有鋪送Chanel冧女癮，之前除贈送價值10萬的Chanel J12手錶俾張馨予外（左圖），隱形女友亦收過吳送贈的Chanel戒指（右圖），她更以此作為微訊icon圖片。
今年4月搬近
不過張馨予經常返內地拍戲，冷落吳卓羲，此時吳便密搵×小姐。×小姐心軟之下，更主動搬去何文田帝庭園旁邊的君頤峰。
爵士花園
君頤峰
去年底吳卓羲被本刊踢爆以5萬月租爵士花園，但其實他繼續同時租住舊居帝庭園旁邊君頤峰，兩單位於同一街上，方便兩頭瞞。
吳卓羲上月突然在微博暗示張馨予的正印地位，令×小姐嬲到向吳發難，揚言要自殺。
四段挑逗錄音
吳卓羲年半來傳過四段錄音俾×小姐，當中內容十分激，試過命令對方着住粉紅色內衣影相，語氣決絕。記者聽過錄音，已確實由吳卓羲真人發聲，大家不妨click入
http://www.sw.hk驗證一下。
7月24日緊張反白眼
同佢冇關係（真實對白）
周二（24日），吳卓羲揸車到紅磡拍《戀愛季節》，他見有記者採訪，便禮貌地駛埋一邊接受訪問。不過被問到×小姐的SMS和微訊，他就堅決否認。
心軟再復合
上周叫陪拍戲
兩周前吳卓羲到機場拍新劇《戀愛季節》，×小姐漏夜趕到機場探班。
不過兩個月後，吳卓羲突然致電×小姐，言之鑿鑿說自己與張馨予已經分手。電話中的吳卓羲似飲醉酒，兩人之後連續幾天以微訊傳情，×小姐又心軟與他復合。四月，為了方便兩人幽會，×小姐搬離九龍塘寓所，在吳卓羲君頤峰寓所樓下租住一個單位。一來為了近水樓台，二來為了實男友。
「三月左右，佢成日飲醉打俾我，話同個女人分咗手。我初時半信半疑，但佢真係好唔開心，令我心軟又再信佢，始終佢係我呢生人最愛嘅男人。佢愈冇安全感，我就愈想箍住佢。我都覺得自己好傻，但又控制唔到自己唔諗佢。同佢分手嘅日子我情緒好唔穩定，要食安眼藥至瞓到。我以為搬咗去佢樓下，可以睇實佢。但事實係佢一直講大話，呢頭話同個女人分手，嗰頭又再公開確認個女人嘅地位。
「我真係頂唔順，好辛苦，我知道今次真係要斬纜。為咗唔俾自己心軟，我決定公開我哋嘅關係，咁樣佢一定會恨我入骨，唔再搵我，咁我至可以真正脫離佢！」
口窒回應
7月24日，記者就收埋隱形富貴女友一事，向吳卓羲求證。他愈聽愈緊張，愈答愈亂。
記︰有個圈外女友話搬咗去你屋樓下君頤峰寓所住？
吳︰冇可能，我唔係住君頤峰。
記︰佢有你哋曖昧嘅微訊同訊息？
吳︰曖昧嘅內容？冇可能！係我電話號碼？可能係以前拍拖嘅嘢，唔關事嘅……（口窒窒），我知你講緊邊個，嗰時係……（停幾秒）係啲咩訊息？唔係情慾短訊吖嘛！點情慾法？
記者遞上兩人的情慾短訊，吳即時神色緊張。
吳︰呢個女仔我好耐冇見，係以前……我冇同過佢一齊，冇可能！冇可能！冇相吖嘛！
記︰佢話你一腳踏兩船！
吳︰呢啲唔講，我唔講嘞！走嘞走嘞！我依家只會專心工作。
記︰仲有啲語音短訊。
吳︰係佢send俾我，我冇send過俾佢。
記︰但有你把聲喎！
吳︰好嘞……
說罷即匆匆上車走人。記者亦就此事問過張馨予，她透過經理人回覆：「所有關於吳卓羲嘅事，我唔會回應。」
×小姐選擇釜底抽薪爆大鑊斬纜，無非想決絕離開花心男，而吳卓羲就玩得女多終遇虎。這段三角情仇，兩女一男的爭奪戰，最終三方面都是輸家！
敢食唔敢認
吳卓羲拍拖向來敢食唔敢認，官恩娜和張馨予亦曾是他的無名份的女友。
官恩娜真空落樓
吳卓羲04年和官恩娜撻着，二人拍拖多年來極度鬼祟。直至本刊於06年拍得官恩娜真空由男方寓所落樓，二人才肯承認拍過拖，同時宣布分手。
去年吳卓羲和張馨予被拍得北京開餐。當時張想拖實吳，但吳發現記者後打死唔拖。直至早前他發現張有外遇，才宣布戀情以圖箍煲，可惜冇用。
