搖滾教父黃貫中，最近被傳媒報道其演唱會《Rockestra》入座率得七成兼報道版面細在微博發狂，爆粗鬧爆某報章記者及高層。事件一發不可收拾，該高層最近因為接到一個聲音似阿Paul的男子來電恐嚇，報警求助。
據知火爆的阿Paul，過往鮮有為版面細發狂，今次燒上腦搞到惹官非，全因女友朱茵背後撥火，原來該高層與朱茵曾有過節。而阿Paul在尾場後的慶功宴發難時，亦透露了玄機︰「阿茵俾份報紙我睇，我差啲搵唔到，出得仲細過部iPhone。我寧願你哋唔好出，咁樣係侮辱我！」
阿Paul近年變得暴躁，與傳媒關係日漸惡劣，與女友朱茵不無關係。而今次他在微博炮轟傳媒，最終惹上官非，背後與朱茵息息相關。
知情人士講︰「阿Paul開騷前一個星期，首場去飛只得一半，經理人Ada係朱茵好姊妹。佢將銷情隱瞞，令阿Paul以為去飛理想，所以當佢知道個騷唔爆，就更加失望。」
13日開騷當晚，本刊記者目擊阿Paul被某記者追問吉位時，他心平氣和回應︰「係咩？（吉位）喺邊？」記者答︰「山腰」時，他亦只表示︰「啲燈𥋇住我隻眼，睇唔到！」
7月14日慶功宴爆火
14日晚，阿Paul在演唱會慶功時，怒火未消，炮轟傳媒。
朱茵唔止身材勁，佢對男人嘅馴服能力一樣勁，睇阿Paul咁聽話就知！
唔係唔撐我吖嘛！（設計對白）
高層與朱茵不咬弦
有朱茵在旁，阿Paul就特別躁。好像08年平安夜，阿Paul帶朱茵乘車到尖沙嘴出席倒數時，有警員阻他落車，他即連環發炮：「頭先俾差佬阻我落車，我明白明愛醫院外點解死人，官僚作風……」《蘋果日報》圖片
不過事隔廿四小時，他突然在慶功宴發難，大鬧傳媒，反差極大。之後他更在微博爆粗辱駡某報章記者及高層，而阿Paul大陸製作公司Polar Bear的員工，紛紛變成網絡打手，留言威脅傳媒，其中一個粉絲更將該高層的全名及手提電話貼上微博，及後阿Paul亦有轉發。
不過，本刊收到消息，涉事的高層多年前任職某周刊時，曾與朱茵有過牙齒印。02年朱茵接拍修身堂廣告時，該周刊曾偷影朱茵泳衣照，以「人字波」來形容她，之後更不斷爆出朱茵分化家強及世榮的新聞，朱茵對此恨之入骨。阿Paul開騷翌日，朱茵攞住份報紙，一邊安慰一邊撥火，令阿Paul自覺失威，男人的自尊心令他無地自容，終於怒火中燒，向傳媒連珠炮發。知情者話︰「朱茵不嬲好識男人心理，而阿Paul又衰衝動，耳仔軟。每次朱茵講兩句，佢就即時被辣㷫。」
周年個唱難搞成
03年，阿Paul同朱茵被傳媒偷拍到在泰國蘇梅旅行。兩人多次在公開場合講要捉二五仔，並暗示家強放料。自此阿Paul與家強甚少往來，兄弟情不再。
成Beyond 30周年演唱會，但自從朱茵認定家強放料給傳媒，令她的度假泳照曝光後，阿Paul與家強兩兄弟的關係愈來愈惡劣。雖然阿Paul把口講話︰「我ready開！30周年開唔到，31、32周年開都得！」其實他卻在人前數落家強及世榮︰「佢兩個係咪好唔掂啫，成日要用Beyond搵錢！」此話傳到兩人耳中，三人鴻溝更大。知情者說︰「佢哋開一個騷歌酬三人分，實則落袋唔多，每場唔夠十萬！除非有單位肯出天價，佢哋至會睇錢份上合作。」
其實多年來食住阿Paul的朱茵，數口好精。就連公布懷孕，都經過悉心部署。4月17日她先在微博公告有喜，然後放風俾傳媒到機場接機，並以透bra現身宣布兩人訂婚，成功霸佔多間傳媒頭條。
有傳多年來，朱茵為了完全操控阿Paul，不但逼走跟了十年的貼身助手Johnny，並安排好姊妹Ada任經理人，連化妝師亦用埋Ada的妹夫Jonathan，全天候夾實男友。
本刊致電Johnny，他為阿Paul講好話︰「阿Paul份人好nice，冇老細款，跟佢咁耐佢都唔會因為報道版面細發嬲。」但提到朱茵，他突然不願多談，只謂︰「唔熟佢。（你半個阿嫂喎！係咪朱茵影響佢？）真係唔熟佢。」
有指阿Paul近日玩拳擊，拜了柏龍拳館的創辦人陳德興師傅（左）門下。有拳館撐腰，阿Paul更口沒遮攔。
Johnny跟了阿Paul十年，一直合作愉快，不過在朱茵發功之下，阿Paul與Johnny關係不復以前。年多前，Johnny更自動向阿Paul請辭，現與吳浩康等人組成樂隊Closer。
身為阿Paul經理人嘅Ada（右），在阿Paul開騷前竟幫他推掉唔少訪問。最近發狂事件，Ada更未有為他拆彈，看來朱茵派這位好姊妹住阿Paul，真係幫倒忙。
近年阿Paul嘅化妝師亦改由Ada妹夫Jonathan上陣，一舉一動都可以實。
惹火事件簿
黃貫中連日來在網上不停向某傳媒高層宣戰。該高層更表示收到疑似黃貫中恐嚇電話，現已報警求助。
至於被指同屬高層友好的家強，曾經嘗試做和事老，但反被黃貫中叫他「醒醒」。
網上打手
至於署名Sam Wong的黃貫中fans，連日在網上威脅記者。阿Paul表示Sam Wong只是自己fans，不認識他，但阿Paul亦有在微博關注Sam。
相集捧女友冇兄弟
昔日Beyond四子情如手足，不過阿Paul的新書《長話短說》，連家強、世榮一張照片都唔見，其關係可見一斑。而文中卻有不少的篇幅分享阿Paul幸福小男人心態，就連女友管住佢食甜品也sweet到漏！
阿Paul直言愛朱茵多過他的愛犬布丁，更冧爆寫：「請你一直留在我身邊！」
你將會還是我吃不下甜品的理由，請你一直留在我身邊，這樣我就胖不了。有圖為證。
朱茵與阿Paul同樣愛狗，這亦成為朱茵冧掂他的主要因素。
阿Paul寧揀自己的演唱會照片，以及與組合「The Postman」的合照，都唔落一張Beyond嘅合照。
