第14屆香港動漫電玩節本周五起一連五天在灣仔會展舉行，主辦單位為打擊排隊黨炒賣會場限量版造成混亂，嚴禁參展商再在場內售賣「限量版」。有參展商料生意額銳減達兩成，揚言下屆拒絕再玩；另有參展商應變，改賣「紀念版」、「優先版」及「珍藏版」。大會預計入場人數會超過去年的69萬人次，達70萬人次。記者：蔡朗清、翁煜雄
動漫電玩節今年首辦中港台日Cosplay嘉年華，扮演漫畫人物。
灣仔書展昨剛閉幕，已有多名動漫迷跑到會展門外、冒着風雨徹夜排隊，等候周五開幕的動漫節搶購心頭好。排頭位的陳先生表示，主辦單位嚴禁參展商於場內售賣限量版，對用家絕對是好事，「冇咗炒家，我就排到第一位，可以買到天下出版社第600期漫畫集；出版社冇話係限量，用家都心知肚明數量唔會多，所以我專登排隊買嚟收藏。」
Gameone在網上售賣會場限量版《九陰真經Online》遊戲，全部售罄。陳奕釗攝
Xbox360今年不賣限量版主機，改賣「紀念版」。
《天龍八部2 Online》豪俠戰衣卡將於場內售賣。
產品另立名目難管制動漫節行政總裁梁中本昨表示，為打擊排隊黨炒賣限量產品造成混亂，本屆動漫節嚴禁參展商在會場內售賣限量版，大會會派員巡查，一旦發現有參展商違規，會勸喻參展商停售；他說新措施不會影響入場人流，也沒有影響參展商參展意欲，「一共有170個參展商、逾500個攤位，同去年一樣；可以租嘅地方都租晒，預料入場人數會超過去年嘅69萬人次，達到70萬。」
梁承認，與參展商簽定合約、規定不能售賣限量版產品，限量版只可以預先在網上售賣，購得者到場取貨，「參展商用其他嘅名目去促銷，我哋管唔到；啲人在場轉售網上買到嘅限量版，大會亦唔會阻止。」參展商微軟消費及零售業務部主管周瑞娜表示，微軟過去在動漫節會售賣限量版Xbox360 Kinect體感遊戲主機，今年因應大會新安排，場內只會售賣運動狂熱紀念版主機，「數目唔會多，叫紀念版唔會影響銷情。」
《SD高達Online》的無盡光輝卡，要注意並非限量版。
排首三位的動漫迷，昨午冒風雨到灣仔會展門外排隊，購買心儀產品。
預料新措施影響人流網絡遊戲參展商Gameone（智傲集團）總經理施玲玲坦言，新措施料影響入場人流，相信今年無論人流及生意額均會下跌，最高達兩成；公司會在現場售賣優先版及珍藏版等，如《SD高達Online》無盡光輝卡、《天龍八部2 Online》豪俠戰衣卡，「我哋會同啲熟客講，呢啲優先版其實數量唔會多；今年嘅生意如果唔埋想，下年唔會參加。」Hot Toys售賣的限量版人偶一直受炒家追捧，今年會推新招、在會場預售特別版人偶；動漫節常客、網絡遊戲商橘子，則因受禁售令影響決定不參展。
第14屆香港動漫電玩節日期：7月27日至31日（周五至下周二）
時間：早上10時至晚上9時（7月31日至晚上8時）
地點：灣仔會議展覽中心一號展覽廳
內容：分五大主題，遊戲公司、動漫玩具、動漫精品、漫畫社和X-Zone；另有中港台日Cosplay嘉年華
票價：30元
資料來源：香港動漫電玩節
