Phoebe（許穎）的寫真集《Real Me》挑戰終極尺度，盡地一煲前後全裸出擊，可惜寫真內甫士露骨兼意淫，最終搞到要俾淫審處審查完先可以再推出。
豪放Phoebe唔只寫真去盡，連大學畢業作品都貫徹意淫歪風，以性玩具加雪糕做作品，挑戰道德底線。她今年在香港藝術學院藝術系畢業，據同學爆料，Phoebe在學期間，唔只濃妝艷抹，試過在班房傳出呻吟聲，還與校內男教師關係「非一般」！淫風吹校園，要正視喎！
指定動作
Phoebe今次本寫真玩全裸，唔禁至奇。
34D許穎（Phoebe）自上年的「肢解」寫真成功引起話題，今年去盡玩全裸，惹嚟全行圍插及禁賣風波，搞到一身蟻。不過原來Phoebe連校園生活都一樣爆！
師生關係曖昧
傳聞一：攬仔搓泥
同學指稱Phoebe當時同男友打得火熱，兩人喺課室搓泥時，男友從後攬住Phoebe，四手搓陶泥，似足《人鬼情未了》！《忽然1周》圖片
23歲Phoebe在香港藝術學院攻讀藝術文學士課程，早前在灣仔舉行畢業展，以塑膠黏土及性玩具造成雪糕，作為畢業作品，不過據知作品惹嚟同學反感，嫌佢低俗兼核突，其中更有Phoebe同學爆料，指Phoebe在學校作風大膽。知情者說：「佢（Phoebe）成日化埋啲大戲妝返學，五年前佢仲讀緊Dip（文憑課程），經常喺課室傳出呻吟聲，但奇在只聽到女人聲冇男人聲，一聽就知係佢把聲。有個阿sir（英文名以J開頭）次次都畀佢零舍高分，有同學覺得佢好嗒Phoebe糖！」
傳聞二：課室呻吟聲
有同學指稱放學後，曾聽到課室傳出呻吟聲。上年Phoebe被拍得爆乳look返學，連返學都搏到盡，抵佢畢到業！《忽然1周》圖片
雖然同學勁投訴，Phoebe週日（22日）回應時仍死撐：「啲成人玩具只係作品其中一啲元素，我啲同學好支持，有啲仲話向我認購，叫我擺完展覽賣畀佢哋！（有人話你同校內一位阿sir關係非一般，聽佢以前嘅同學講，所以特別高分喎？）哈哈，我覺得好好笑，高分係我一直都好勤力，我用好多時間喺功課上，我盡量有返齊我嘅堂，好多老師都對我哋好好，好似朋友咁，我對大年紀冇乜興趣，我其他科都好唔錯。（但有同學話你淨係發阿sir姣？）冇咁嘅事，佢係我老師，有好多嘢都會問佢意見！（寫真有畀意見？）咁又冇，又唔係功課上嘅嘢！」
如果Phoebe本寫真一早有問阿sir意見，可能唔使被禁咁慘豬啦！
嚇人作品
Phoebe連畢業作品都以性做題材，以塑膠、黏土做材料造性雪糕，再插上假陽具、假乳頭等性玩具當crossover，難為Phoebe題名為「奇趣筒」，咁嘅雪糕你敢唔敢食？
Phoebe淫審免責
Phoebe寫真因太鹹濕而被逐出書展，而首賣日未包膠袋已觸犯法例，雖然Phoebe之後又踩入書展，又扮自殺谷銷量，但已難追回銷情。
資深律師黄國桐表示：「審裁處已可控告該出版社及發行商，最高可罰款100萬及監禁3年；至於Phoebe只是被拍攝者，送檢不是她的責任，可以避免刑責。」
18/7逐離場，21/7扮自殺
Phoebe的寫真集「REAL ME」因尺度太出位，勁多全裸照僅以手遮點，在書展開賣當日就被貿易發展局收書禁賣，寫真集更要送往淫審處評審，搞到連各大書店攤都無得賣，嚴重影響銷情。
Phoebe上週五（21日）又突然割傷左手手腕，血流如注要入院睇急症，雖然她自言是在家中心神恍惚時遭愛貓抓傷，但惹來自殺傳聞，但翌日又鬼咁精神去書展踩場，總之見咗報先講。
高海寧封胸變才女
Phoebe被逐出書展，查實今年書展模幾乎全死，不過都唔代表正統作家可以抬頭，只因一批女星亦繼續喺書展搵食，其中又以副學士畢業、忽然識寫作的高海寧最受歡迎。其次就係不死傅穎繼續有死忠fans百人空巷，其實fans懶理本書有乜睇，最緊要個樣好睇就得啦！
平價首飾
高海寧雖然包到實去書展，仲要帶埋阿媽女人街檔啲平價首飾撐場，不過仍然有成班宅男排隊攞簽名。
唔提男友
高Ling本書話寫自己感情生活，不過同旅行社太子爺的拍拖就提都冇提，反而書內啲高Ling舊相仲好睇。
傅穎繼續扮慘
傅穎年年書展都有搞作，難得班fans繼續帶齊「架生」撐到行，傅穎本書繼續情情塔塔扮淒涼。可能佢自己都覺新鮮感唔夠，所以今次傅小姐唔玩「UFO走光」，自動波大執新樣見人。
年度聚會:幾乎成年冇喺香港露面，但一到書展傅穎就生晒，fans亦做足一年一度盛事齊集，當正周年fans club聚會
自從被羅仲謙打鑊甘後，傅穎弱者形象深入民心，今年亦繼續扮慘，一時話受騙，一時話受傷，但係已經唔敢再提羅仲謙。
林峯新書呃錢
女星以高Ling同傅穎最受歡迎，男嘅就要數諸葛亮林峯，不過佢本書《It's LF》只係將啲舊劇照同poster結集成書，內文仲要係口述，不過班fans都唔理，實行買咗博個簽名，峯哥確係勁。
上週四（19日），林峯親臨書展，百多名fans排隊攞簽名，仲要清一色全女，勁！
林峯全書都係舊相，兩張舊海報就當一版，不過啲變樣前嘅超舊相就欠奉，有都縮到超細張，堅係fans先好買。
模氣勢弱
剝模今年氣勢弱，有啲連會展都唔畀入，但班女為宣傳，點都要谷埋最後一啖氣，到下年仲有女肯剝？肯定有囉！
李蘊清貨尾
今年都有份出寫真的李蘊，除咗循例去書展造勢外，更順便清埋上年本寫真貨尾，買一本仲搭E cup Baby寫真，盛惠100蚊兩本，不過都係少人買。
新八模零關注
想當年周秀娜公司旗下8模出場時氣勢如虹，到今年的澳洲新八模則完全相反，去到書展竟然零fans關注，唔通澳洲妹太重口味？
黄榕除泳褲
《蘋果日報》圖片
黄榕本寫真書展禁賣，不過話晒30歲熟女出寫真，所以週日（22日）個造勢活動上，竟然即場除泳褲送畀粉絲，仲話：「有我體溫值錢啲！」Cheap爆！
