吳卓羲同36F國產乳神張馨予拍拖兩年多，女方一直想公開戀情，可惜卓羲唔就範，直至前週吳卓羲突然喺活動上承認戀情，以為打風打唔甩，原來係卓羲箍煲失敗，乳神已搶閘爆分手，仲拍得跟國產小生李晨一齊夜蒲。
雖然失戀卓羲，搵到錢唔愁冇女。最近為新劇《戀愛季節》開工，又同前緋聞女友徐子珊飾演情侶。據知子珊不時安慰卓羲，上週六（21日）本刊更發現她跟卓羲同枱食飯。而下月開拍的《衝上雲霄II》又有大量新女同劇，羲哥慢慢揀都得啦！
聽到記者話佢借酒消愁，吳卓羲即刻好大反應，擘大口話：「絕對冇啲咁嘅事！」
32歲吳卓羲因在國內拍《大丫鬟》時在夜店認識張馨予，二人極速搭上。拍拖兩年多，女方藉着吳卓羲女友名，喺香港冒出頭，連拍兩套港產片《2012我愛HK喜上加囍》及《戀夏戀夏戀戀下》，上年仲被張栢芝中簽約做她旗下藝人。
開工愁爆
女人要名份，據知張馨予因為卓羲一直唔肯公開其女友身份而多次炒大鑊，甚至「玩嘢」登入卓羲微博上載自己相片。其實卓羲一直對於有個乳神女友感到自豪，所以直至最近佢終於妥協，承認同張馨予拍拖，喺活動上話：「大家愛大家就ok！」可惜一切為時已晚，張馨予轉頭透過經理人公布已分手，仲被拍得跟新戲《祼愛》對手李晨一齊夜蒲返香閏。據知卓羲被女飛心情極差，除了開工經常眉頭深鎖，更有傳佢晚晚借酒消愁，連開工都要飲兩啖先可以平復心情。
卓羲單身，當然大把女埋位，而最近同卓羲拍劇，曾被張馨予改花名做「香腸姐姐」的徐子珊就乘機埋身。上週六（21日）原本深夜先有通告嘅徐子珊，仲專登提早返公司，陪卓羲同其他同事食飯。
去年9月吳卓羲同張馨予被拍得喺北京拍拖斷正，當時羲哥單手插袋，唔願意拖張馨予，而家後悔都冇用！《蘋果日報》圖片
張馨予現身在北京拍攝張栢芝有份投資啲電視劇《祼愛》，劇中同李晨飾演一對，上週被拍得二人夜蒲，之後更到張馨予家中過夜。不過第二日張馨予就敷住面膜喺微博反擊，就話「眼睛看到的，不一定是真的」。網上圖片
敷面反擊
吳卓羲前週日（15日）出席活動時，公開表示：「大家愛大家就ok」叫做公開承認女友身份，可惜太遲喇！《蘋果日報》圖片
卓羲：「佢開心咪得囉！」
雖然有徐子珊相伴，不過卓羲似乎唔多領情，於食飯其間，心神彷彿，不時玩手機，對於跟張馨予分手，卓羲表現得不願多提：「嘩……你問埋啲咁嘅嘢？唔講喇，佢開心咪得囉！（有冇打畀佢？）我冇再搵佢喇！我而家只係想工作，遲啲又要拍《衝上雲霄II》（係咪要晚晚要飲酒消愁呀，聽講連開工都飲？）絕對冇咁嘅事，冇飲酒，開工更加冇。」學「Sam哥」吳鎮宇話齋《衝II》大把空姐任揀，唔要空姐，亦有大量姐仔拍檔，唔憂冇女。
張馨予一直最驚就係徐子珊，當日更喺微博稱她為「香腸姐姐」，而家子珊又同卓羲喺劇中做情侶，唔知張馨予仲會唔會葡萄呢？
徐子珊雖然跟觀音兵眼科名醫謝偉業打得火熱，更被本刊影到佢出trip前由謝醫生幫佢推行李，不過子珊趁住卓羲失戀，亦即刻出招姣氹。
雖然冇咗咪神張馨予，但卓羲都不愁寂寞，現忙拍《戀愛季節》，劇中有徐子珊、李綺雯做對手，嚟緊拍《衝上雲霄Ⅱ》飾演副機長的卓羲當然有大把姐仔服侍，唔計胡杏兒、陳法拉，都仲有朱晨麗、沈卓盈、岑麗香，仲會同首次拍劇嘅模特兒傅嘉莉飾演情侶，羲哥應該好快會忘記失戀傷痛！
傅嘉莉:劇中飾演canteen職員，同卓羲、胡囧有三角關係，大把時間對住羲哥
朱晨麗:劇中飾演空姐兼做馬明女友，同羲哥應該冇乜對手戲。
岑麗香:二人喺劇中飾演性感空姐，戲分主要同風流機師張智霖及馬明，羲哥劇中做專一機師，戲中同小花冇乜機會交流，不過可以戲外溝通囉！
沈卓盈
