魔童王維基投資50億大搞城市電訊電視，未獲政府發牌已經高調簽人開劇，曾經發火狂噴TVB的黃日華，月初更帶埋22歲、剛剛理工大學應用社會科學系畢業的囡囡黃芷晴（Adrian）簽約，父女檔入「魔」宮。
有老豆睇實，明星夢達成的黃芷晴卻未能擺脫少女慾火。早前，本刊就發現她孖住男友去屯門黃金海岸酒店宿一宵，兩人先到沙灘曬太陽兼隊啤；夜晚出動去超市掃啤酒返房歎，背住父母作反。
爆房斷正，黃芷晴堅稱只係煲碟，「我哋喺房睇《Harry Potter》咋！」呢句對白仲有創意過陳七爆房女Emily，話喺酒店房「冇事發生」喎！
自細跟住藝人老豆黃日華出入的黃芷晴，生得標致又見慣大場面，加上由不少圈中前輩睇到大，要入行易過入大學。不過黃芷晴天生老牛聲，又唔夠高做模，惟有拍電視劇，兩週前與父親一齊簽約CTI三年，正式由星二代過度成藝人。
見到有記者，黃芷晴仍然識笑笑口對自稱5呎7吋高的黃芷晴真人細粒，但皮膚白滑兼冇象腿，而且上圍有番咁上下，絕對有條件做明星。住鏡頭，反而男友嚇到呆咗，雪糕溶晒都仲未識笑。
三點式隊啤
未有劇開，黃芷晴早前玩盡最後一個暑假，前週六（14日）同激似韓仔的男友去酒店過夜。兩人放低行李後，即去酒店隔籬的黃金泳灘曬太陽，起初着住白色tee的黃芷晴，見冇人認出自己後，便除剩三點式開始曬，反而男友仔全程着住短袖tee短褲，守身如玉。
二人邊曬太陽邊隊啤酒，自信爆棚的黃芷晴不停用相機同電話自拍，又擺晒pose叫男友幫手影，玩足個半鐘。其間兩人未有親熱舉動，比起當年章子怡同Vivi Nevo在沙灘狂啜狂摷，呢對小情侶算檢點。
黃芷晴一時拎相機周圍影、一時又要執好隨身物品，但男友竟然全程成座佛咁趴低曬太陽隊啤（紅圈），由朝劈到晚。當日撞正戲中做過黃日華女兒的陳嘉桓喺隔籬，兩個華女同場曬。
醉爆週末
貪靚的黃芷晴大部分時間掛住影相，反而男友不停自隊，唔夠兩個鐘已飲了幾罐啤酒。飲到烚烚，黃芷晴與男友上房小休，到夜晚8點先再落樓，男友不斷捽眼打喊露，明顯剛瞓醒。而換了一條粉藍色連身裙的黃芷晴，同男友手拖手漫遊跳蚤市場，再到附近西餐廳撐枱腳。飯後冇落沙灘吹海風，反而去超市買零食，兩人在酒櫃前左揀右揀，最後掃了大批酒返房過醉爆週末。
玩足兩日一夜，黃芷晴同男友食住雪糕check-out，雖然過夜斷正，但黃芷晴面對記者非常淡定。
F：《FACE》黃：黃芷晴
F：男友係咪同學仔？爸爸媽媽有冇見過？
黃：係呀，有見過。
F：今日係咪生日收花？
黃：都係嘅，都開心吖！
F：尋晚喺房有冇其他朋友？
黃：冇，睇《Harry Potter》囉！
本刊亦曾聯絡黄日華，但至截稿前仍未回覆。其實都22歲女啦，你話睇《3D肉蒲團》都冇人鬧啦！
拖手上房:曬夠太陽，兩人踢住拖行返酒店，男友比黃芷晴高半個頭，唔算大隻，但同芷晴係大學同學，拍拖兩年幾感情穩定
去到超市，男友仔一手攬實，黃芷晴即刻成個身挨埋去，冧爆！
男友一支箭行去酒櫃，揀足幾分鐘，反而黃芷晴企埋一邊冇落手揀，明顯陪飲，最後男友買了幾大罐喜力同盧雲堡啤酒返房。又買零食又掃啤酒，埋單由黃芷晴負責碌咭。
阿媽幫接job
黃芷晴同父親黃日華一齊簽畀王維基，8月會開拍新劇《開腦儆探》。現時芷晴由媽咪梁潔華暫代經理人，早前芷晴出席唔少日牌活動亦是由梁代接。有父母做左右護法，唔驚俾人呃！
王維基（中）重金請黃日華加盟，華哥亦識做將個女簽埋畀魔童，父女檔拍劇。《蘋果日報》圖片
十幾歲黃芷晴未識打扮，短頭髮加黑框眼鏡，同現時簡直兩個樣。
最近幫日牌Snidel行騷，芷晴衰在唔夠高，華哥又唔准佢做模，只好入行拍劇。
