林峯同潘霜霜單床照過咗接近年半，雙方都話冇再同對方聯絡，基本上可以正式close file。再見不是朋友，霜霜曾多次強調唔想再同林峯扯上關係。FBI發現，佢最近連名都改埋，原本英文名叫Mavis的霜霜，忽然變左Angelina。究竟霜霜係想正式同過去劃清界線，定係向荷里活性感女神Angelina Jolie致敬？問諸葛亮都未必知喎。
其實無論叫Mavis定Angelina，相信都冇乜人會關心，只要霜霜繼續晒事業線，叫乜都冇所謂啦！
霜霜最近又扮足球寶貝影性感相，有傳佢擔正嘅內地網劇《貓人女王》，因太多暴露場面而被廣管局禁播，難得做番次女主角，霜霜都算當黑！
