陳慧琳被問到追女，笑住拒絕：「唔好搞咁多嘢。」
榮升兩子之母的陳慧琳（Kelly），昨日出席任代言人的活動，大談家庭樂。Kelly興奮談仔經，自爆她和老公為三個月大的細仔小龍包影了不少肥騰騰出浴照。問到追女大計，Kelly笑言太忙，要少搞嘢。
陳慧琳連續六年做美心月餅代言人，她昨日在天際100宣傳，穿上Isabel Marant連身裙、Dolce& Gabbana長靴現身的Kelly，心情甚靚，司儀問她有沒有添丁計劃，她即說：「唔會啦，唔好搞咁多嘢！」惹來全場笑聲。
陳慧琳不介意讓囝囝劉昇、劉琛一齊拍廣告。
無暇追女大會安排四個不同造型的小模特兒和Kelly影相，扮白馬王子的小男孩怕醜走人，Kelly笑住大叫：「未收得工呀！」場面搞笑。問Kelly冧莊六年，酬勞有沒有六級跳？她說：「唔知呀，總之好滿意，合作咁多年好開心。」更不忘指蝦餃仔最愛吃甜食，也會吃月餅。
和廣告商關係好，可會讓兩個囝囝出鏡？Kelly說：「我冇所謂，不過老公應該唔畀，佢唔想咁高調。就算拍，佢兩個咁細，又唔知乜嘢事。」Kelly指細仔小龍包現時三個月大，但經常瞓覺，一向恨女的她，會否準備再追女？Kelly大反應說：「唔好搞咁多嘢喇！呢個月爆晒，因為之前陀B唔做得，家好多廣告、相呀要拍番，同埋10月、11月會出碟，又要錄音。」
Kelly講開小龍包都停不到口，她謂幫囝囝影了不少肉照：「係肥騰騰嘅浴照，雖然冇阿哥記錄得咁好，但都好多，全部都save咗喺手指入面，要back up再back up，未曬相，因為太多，有排揀。」她指蝦餃仔已學識去廁所小便，但便便就未戒到片。
