高海寧（高Ling）與羅天宇最近正忙於拍攝無綫新劇《法網狙擊》，有傳兩人因為日夕相對終於擦出愛火花，感情發展一日千里。前晚有讀者報料，指她倆秘密去了深圳東方棕泉按摩，但高Ling指自己不急於談戀愛。
今年25歲的高Ling最近獲無綫安排與謝天華、陳煒等合演新劇《法網狙擊》，有傳她在劇中與同年出生的羅天宇最談得來，他倆在劇中同是飾演律政署見習檢控官，由於經常有同場機會，兩人十分投緣，經過兩個多月來的相處，偷偷擦出愛火花。
高Ling與羅天宇現身深圳，按摩之餘亦開餐，因而傳出拍拖消息
高海寧否認拍拖，更強調目前以工作為重。
羅天宇在劇集《愛．回家》中有不少戲份。
承認傾得埋前晚有讀者向本報爆料，指高Ling與羅天宇日前出現在深圳東方棕泉按摩店，不避嫌去深圳拍拖兼按摩，記者昨日向高Ling求證，她例牌否認說：「我拍呢套劇係同羅天宇、李思雅幾個演員做咗好朋友，大家幾傾得埋，早兩日開完工，因為好攰，就約咗天宇、思雅一齊去深圳按摩，並唔係我哋兩個人去，原本想六個人一齊去，但其中三個唔得閒，所以只得我哋三個人去按摩。」
高Ling表示：「我同天宇真係冇拍拖，我亦唔覺佢想追我，不過既然惹出緋聞，我諗以後都要避忌下，費事連累身邊朋友啦！其實我都唔明，三個人去按摩，咁都俾人報料講成咁，我家真係唔急拍拖，啱啱先正式拍劇，我仲想學多啲嘢，多拍劇令工作上有突破。」
曾戀太子爺去年高Ling被周刊爆出她與旅行社太子爺發展戀情，但高Ling一直不肯承認戀情，稱對方只是朋友，在未入行時已認識對方，但這段情在去年底已結束。
