曾捲入關婉珊非禮案嘅梁烈唯，經過疑似受害人當面澄清後，一切當冇事！不過上個禮拜六（七月七日），無綫倉底劇《飛虎》宣傳活動上，再次出現非禮事件，但今次受害人係梁烈唯。
宣傳新劇玩遊戲，大會安排一條長鎖鏈扣上手榴彈掛上藝人身上，先由男藝員蒙眼拆彈。盲摸摸隨時錯，王君馨同蔣家旻全程雙手護胸，有驚無險。
輪到女藝員蒙眼，苟芸慧郁手拆彈，梁烈唯肉隨砧板，奇在佢雙手只係護住個胸，褲鏈位敏感地帶任摸唔嬲；真係咩都睇唔到嘅苟姑娘，有好幾次落位都準確無誤，中正對方要害，究竟算唔算非禮？八珍淨係睇到梁烈唯個樣好享受囉！
苟姑娘幾乎摸親都中，梁烈唯冇避冇嗌唔好，享受中。
大會安排蛋糕同王浩信慶祝生日，老婆陳自瑤送上忌廉香吻！
袁偉豪負責摸，王君馨、蔣家旻驚到一個嗌一個縮，江美儀於是幫忙捉實袁偉豪隻手做動作指導。
除咗玩男女互摸拆彈，陳自瑤、宣萱、苟姑娘、江美儀仲要鬥快著上飛虎裝備，宣萱怕整亂個頭，只係肯將件避彈衣扣响腰，好茅。
