「維園霆鋒」龍心自拍嗰啲出位短片熱爆網絡，紅到成為Online Game代言人，媽咪姐咁in梗睇過啦！仲次次笑到癲。估唔到今期《忽周》搵到佢做訪問，影埋段片，仲搞笑！嗱嗱嗱，話你知，佢喺餐廳狂歌熱舞、頭髮亂了嗰段已經係碎料，重點係佢後尾只着under，搵出屋企一代藏書，逐本講解，仲有重點推介㖭！亂中有序，動靜皆宜，點夠你癲？
神呀！請賜我一個「維園栢芝」！（設計對白）
《忽周》睇真啲正片唔好miss！
一睇愛上人狗樂游游
嘩！好得意呀！好傻豬呀！媽咪姐唔係十八廿二，但睇完呢段狗狗同主人喺全港最大室內水池游水嘅短片，把聲都不期然變番少女key！咁你見到啲狗仔擺晒pose坐船、驚驚青青試水溫，稍為有愛心嘅人都會忍唔住想錫佢哋一啖啦！一於帶我寶貝BoBo去玩下，嚟個下水禮先。
Yumiko受傷奇遇記
Yumiko喺泰國為好姊妹應采兒慶祝生日，樂極生悲，離奇墮樓，好彩大步檻過！睇片見到佢雖然戴晒頸箍坐輪椅，但精神唔錯，又有心情叫應采兒幫手影相，仲記得微微低頭，營造小臉效果㖭。媽咪姐即刻放心晒！
