彎腰磨本月1日，Deep與其樂隊Closer出席拉闊音樂會，臨完場時，Deep與索女當街煲煙飲酒，興起時，Deep更下狼手，攬實索女纖腰，難得索女亦彎腰配合，呢個pose真係睇到火到嚟！
與狼共舞
入年10年的吳浩康（Deep），歌唱事業一直冇起色。事業唔得意，同富家女莊思敏拍拖5年又被飛，人財兩失。回復單身，吳浩康感情生活唔愁冇女，早前傳出與模組合「Mi55」隊長Olivia（麥家朗）拍拖，轉食妹的吳浩康，前週日（1日）演出完商台band騷後，醉酒亂性，當街對身邊同行的短裙索女上下其手。又攬又摷，事後吳浩康竟話：「我覺得冇乜嘢呀！」話晒係歌手，思想開放都唔使當街表演啫！
前週日（1日），吳浩康跟自家新組樂隊Closer，出席商台拉闊音樂會，身邊不見與他傳緋聞的模女友Olivia，至散場後卻與同行的短裙索女走出九展外煲煙，其間飲到微醉的吳浩康開始唔規矩，上攬下摷之餘，難得索女唔抗拒仲畀足反應。當時不少散場觀眾經過，但阿Deep一於摷女為上，少理途人目光。「當日個band騷由下晝玩到夜晚，阿Deep一開始已經狂隊啤，見親女都走埋去喪撩，開騷時佢仲拖住一條女周圍走，到咗後尾又見佢攬住另一條短裙女喺後台又攬又錫，大笑大嗌，好鬼high！」現場人士透露。
「男女好少純友誼！」
據知吳浩康早前確實曾瞄準組合「Mi55」的模Olivia，但Olivia其實從未落搭，只當他觀音兵陪玩陪飲；模未溝掂，吳浩康轉眼又有新獵物，私生活果然繽紛。上週五（6日）吳浩康接受電話訪問時，難得亦老實承認：「其實男女好少純友誼囉！」F：《FACE》吳：吳浩康F：係咪有新女友呀？吳：嗰個係我好朋友，識咗1、2個月啦，我對佢係有意思，都想追㗎，不過唔知人哋想唔想囉！F：但係你哋又攬又錫喎！吳：係咩？我覺得冇乜嘢呀！其實男女好少純友誼囉，拍拖一定想，隨緣啦！F：但你唔係同Olivia拍拖咩？吳：唔係！我同佢冇拍過拖，只係好好嘅朋友，佢仲係我契妹，我哋真係冇可能嘅。擺明要食女，阿Deep勝在夠老實囉！
前度懶得理
前度女友莊思敏表示：「我同佢（Deep）已經好少聯絡，分手之後都冇見面，佢同邊個一齊我真係唔知。其實同邊個都好，佢開心咪得囉！」
「Mi55」隊長Olivia得悉後稱：「我同佢真係好好嘅朋友，我哋好friend，好似哥哥同細妹嘅關係。其實我哋見面好少講感情事，佢家有冇拍拖我真係唔知，如果有都係件好事呀！」
甩拖撲水
一直被英皇投閒置散的吳浩康，工作量唔多，賺埋都唔夠養自己。加上被莊思敏狠飛後，冇咗個有錢女友射住，Deep就更加閉翳。馬死落地行，惟有自力更生，乜job都做。
自組新band
Closer是吳浩康新組成的樂隊，他為樂隊主唱，現Closer已出第一張專輯。
唱埋校園
上月8日，Deep出席中大活動，難得班大學生仲好鬼like佢，校園騷條水應該有排食。
轉撈保險
前年跟姑姐學做保險賺錢養家的吳浩康，去年8月，西裝骨骨出現喺中環，少有咁正經。####
男方力追對於新女曝光，Deep不願多提，只稱大家係好朋友，不過就話對「好朋友」係有意思，更想展開追求。
摸得低見索女冇反抗，Deep進一步摸實佢小腹，而右手更幾乎掃落索女重要部位之上。
貼住攬
趁索女飲多2杯，Deep更任意妄為，兩人面貼面，Deep更借故一親香澤，而手更直接伸入索女外套內，態度非普通朋友所為。
揭裙底親密過後，Deep仲未夠喉，使出狼抓揭起索女條裙，來個完美ending，完全懶理其他路人目光。
佢開心咪得啦！真實對白
佢拍拖係好事真實對白《忽然1周》圖片
《壹週刊》圖片
