今年有份參與寫真戰的模媽Mia（陳靜儀），為了在一眾拋胸「乳模」中殺出重圍，書中將會全裸上陣，底線擺明有咁低得咁低。她有份擔正的電影《喜愛夜蒲2》將緊接上映，加上做DJ夜場走埠打碟，表面看似搵唔少。
不過去年經歷父親癌症過身的她，除了要將父親醫藥費攬上身，一對仔女亦要供書教學，收入實則月月清。本刊收到消息，Mia近日多次收到前夫索錢電話和whatsapp。為避前夫，Mia更要多次搬屋，為此她發火說：「佢隔冇耐就問我攞錢，有頭髮邊個想做癩痢，真係剝埋都唔夠俾佢。」
全裸賣肉
為了於寫真戰中殺出重圍，Mia將會有全裸相收錄寫真內，真正係賣肉養家。
老竇過身失支柱MIA賣肉養全家
與前夫育有一子一女的Mia，離婚後主動要求撫養權，從此踏上難行的單親媽媽路。
現年22歲的模媽Mia，自與前夫離婚後，一對年幼子女的撫養權歸她所有。分開至今三年多，雙方一直冇聯絡，今次Mia前夫忽然蒲頭，目的就為借錢。為避前夫，Mia至今已搬家2、3次。
前夫度水短訊
從Mia前夫的度水短訊中，看到對方終日遊手好閒，以碌卡度日，搞唔掂條數再軟硬兼施向Mia要錢。至於短訊中前夫說已有新工作，Mia沒好氣說：「佢成日話搵工，結果全部冇下文。」
前後借近十萬
Mia的前夫最初要求借幾千，之後卻變本加厲要求一次過借過萬。至今Mia已經借近十萬給他。直至近日，前夫再度Whatsapp和連環call Mia，要求一次過借五萬。借無可借的Mia，周二（26日）接受本刊訪問，忍唔住發火說：「男人賺錢養家好緊要，我唔介意公一份、婆一份。我結婚時年紀小，為咗對仔女有努力過遷就對方，有邊個女仔唔想過安定生活，不過佢冇做好老公嗰份，成日碌爆卡又唔搵工。」
驚有人帶走仔女
剝埋都唔夠俾佢（真實對白）
周二（26日）Mia接受記者訪問時，每當說到前夫不斷借錢和擔心一對子女被騷擾時，Mia隨即皺眉頭扯火。
以往Mia死慳死抵借錢給對方，原來她曾遇過一次恐怖經歷，「其實做唔到夫妻唔緊要，只要佢錫對仔女就算，但係佢試過冇通知我，喺幼稚園接走對仔女，全日call極唔覆，我嗰次真係好驚，唔知佢會點對兩個細路。」因此Mia擔心拒絕借錢後會歷史重演，明知啲錢一去無回頭，但她每次對前夫苛索仍有求必應。
可是，自從去年Mia爸爸患癌後，她向公司借了一大筆錢作為醫藥費，直至現在仍要還錢。而娘家家中頓失經濟支柱，已出身的Mia亦要頂硬上賺錢養家。「我有兩個細路要養，又要俾家用阿媽，依家仲還緊錢俾公司。我銀行戶口都係得幾萬蚊，你話借幾千蚊我都算啦，不過一次過我點借五萬俾佢呀。佢仲以為我搵埋大把，如果佢仲當自己係兩個細路嘅爸爸，唔該佢生性啲啦，真係剝埋都唔夠俾佢（前夫），我真係無能為力啦！」
志在搵快錢
主打行性感的Mia，剝衫見人差不多已成指定動作。對於唔少人鬧她身為媽媽，難成小朋友好榜樣，原本怒火焚身的Mia，忽然變得細聲說：「有頭髮邊個想做癩痢?我讀書唔多，行嘅路亦選擇唔多，行性感可以快搵錢，搵到錢先可以照顧到小朋友同屋企人。為咗佢哋，要我做咩都得，我會等兩個細路大啲，慢慢俾佢哋知我嘅工作，有信心佢哋會明白。總之我又冇偷冇搶，靠自己養兩頭家，行呢條路已經係我暫時最好嘅選擇。」
細路開支大
Mia大女4歲細仔1歲，幼稚園學費加上搵人湊小朋友，每月使費一萬，對單親Mia來說，絕對有壓力。
Mia父親去年患上癌症，Mia曾問公司借錢用作醫療費，及後父親過身，她亦要擔起頭家。上周二（19日）本刊便拍到她和家人到沙田拜祭亡父。
跟富二代傳緋聞
過去Mia曾跟不少富二代傳緋聞，可惜最終亦因其身世遭對方家長嫌棄，戀情無疾而終。
剝衫搵快錢
