盧巧音（Candy）向來鍾意嫩口男，不過由謝霆鋒、余文樂到之前嘅紋身師傅，全部都斷晒纜。
Candy雖然手戴訂婚戒指，但為免演唱會焦點落喺結婚問題度，依然死撐否認結婚。
好在現任男友、細佢四年嘅樂隊Kolar主音Sammy好長情，兩人拍拖四年幾，終於修成正果，Sammy自爆今年內娶Candy。Candy雖然否認，但早前經過大坑就撞見佢一身師奶look加素顏買餸。以前拎住支結他rock爆，依家變成大坑師奶，愛情力量真偉大！
Sammy So
盧巧音忙於為7月嘅演唱會綵排，但依然以男友為重，放下結他，挽起菜籃，不做rock妹做師奶。
盧巧音對蔬菜精挑細選，睇嚟非常熟手。不過呢啲唔係賣點，賣點係佢個躉呀。
