無綫綜藝節目《五覺大戰》周日（17日）播出第15集，呢次最令媽咪姐睇到眼都凸嘅，必定要數向來多noise嘅環節「飄移會」！因為元老級嘉賓曾志偉一早mark咗「神獸天使」中身材最激凸嘅兩位——講唔猿（白雲）同騰騰雞（蔡慧欣）陪坐，開車無耐佢已經似足大爺咁搭實兩女膊頭，仲不斷發出歡呼聲，後來錢嘉樂愈飄愈激，令後座嘅三個人喺車箱內碌來碌去，混亂間志偉更有意無意將個頭枕落白雲個巨胸上。
我餓吖嘛！（設計對白）
難怪節目播出後，廣管局即收到6宗投訴，指內容色情、暴力及有危險動作。媽咪姐都覺得無綫為咗收視，今次真係過咗火位囉！
有味飄移####
唔少人喺網上寸爆曾志偉，話佢對住激凸白雲好猴擒！
志偉坐喺兩女中間，又用雙手搭實佢哋膊頭喺度叫囂，好興奮。
志偉雖然都係被飄移所害，但佢成個頭枕咗落白雲個胸度，係咪誇張咗呀！
愈玩愈激，白雲好主動咁用手揸實志偉條褲。咦，乜咁樣真係可以坐得穩啲咩？
