ArtisTree又有新搞作Paper Tales紙藝裝置展覽

愈嚟愈鍾意嚟呢個地方，每次展覽都有新驚喜。最新搞作係同YAF一齊合作嘅Paper Tales紙藝裝置展，特別之處係融合紙+童話兩個元素，展覽設計成一段奇幻旅程咁，同時玩出平面紙張嘅無限可塑性。展品除咗有紙雕、同剪紙等等傳統紙藝，亦有結合其他素材而成嘅裝置藝術。展覽入面亦有DIY部份，大家可以跟住幾個steps剪出紙雪花做掛飾，帶返屋企。聽工作人員講，12月17日及18日下午2點會安排免費導賞團，佢哋話並非一般導賞，而好似角色扮演咁有著住戲服嘅人帶參觀者一齊遊歷呢個展覽。想體驗吓嘅話可以到佢哋fan pagewww.facebook.com/swireislandeast睇吓詳情！