自稱22歲的o靚模許穎（Phoebe）早前被揭報細數，還主動提供印上1989年出生的身份證副本示清白，但卻百密一疏，證上顯示了Z字頭的號碼，被推斷應為80年至88年中出生，有偽造假證之嫌。對於被踢爆，面對可能觸犯法律，Phoebe昨日忽然避談年齡。
Phoebe死口不認報細數，但日前提供的身份證副本，資料被質疑曾修改。
o靚模許穎被拆穿虛報年齡，她日前提供黑白和彩色的身份證副本顯示1989年出生，可是百密一疏，其提供的彩色身份證副本左下角顯示了身份證號碼頭碼是Z，根據資料，字母Z字頭的為80至88年中出生的人士，89年出生的則為Y字，而她身份證第二個號碼為7，Z7的人士推斷約86年出生，換句話說，Phoebe今年已經25歲，比聲稱的22歲報細3年。
「想年年22歲」
Phoebe被質疑竄改身份證資料，有觸犯法例之嫌，她昨日在電話立即避談：「呢方面唔再回應啦，費事越描越黑，我想年年22歲，阿倫（譚詠麟）都話自己年年25歲。歲數呢啲嘢冇所謂，做公眾人物大家都睇外表啫。」換句話說，明年記者問Phoebe歲數，是否也講自己22歲，Phoebe對此卻立即封嘴。問Phoebe可知偽造身份證資料是違法，她說：「冇特別諗呢樣嘢，呢啲唔回應啦。」之後便立即cut線。
死敵Jeana早前曾以「悉尼老鼠」暗寸Phoebe，昨日聽到Phoebe懷疑偽造身份證，她在電話訪問中抵死說：「希望佢可以逃離官非。」可會送碌柚葉讓Phoebe掃走衰氣，她續說：「唔啦，我會買定橙同煙仔……餅去探佢。」Jeana昨日則被爆男友是圍村茶餐廳少東胡志鵬。
刑期最高7年
記者昨日致電律師黃國桐，對於私自更改身份證資料屬違法，他說：「冇睇過佢正本，唔能夠確定係咪偽造文件，但佢提供虛假資料都係犯法，尤其將資料直接畀政府機關，但佢家提供畀記者，傳媒得到資料令佢有金錢得着，佢已經係踩線，人民入境事務處可以控告佢。」
黃國桐續說：「如果提供虛假資料罪成，刑期由12個月到7年不等，只要有犯就必定要坐監。」
此外，趙碩之昨日在西九龍出席電腦節，談到Phoebe疑身份證造假可能報細年紀，趙碩之說：「但佢唔係30字頭咁驚，不過唔知警察有冇做嘢，因為偽造文件係犯法。」
採訪：比華利
from:
http://hk.apple.nextmedia ... art_id=15509486
