雖然普遍用家都認為MeeGo 的「孤兒」身份令N9 未推出已經注定失敗，不過係N9 正式登場後不久，Nokia 隨即發表MeeGo 開發手機N950，供一眾軟件開發商寫apps 用。而呢部N950，就正正係上年網上流傳的Meego Qwerty 手機。
雖然N950 短時間內都無公開發售的可能，不過係硬件上絕對唔輸蝕比N9，而且現時仲確認有1200 萬像素鏡頭，個人黎講吸引力更勝N9！
N950 同樣用Meego，不過規格就大有不同，好似機面的4 吋螢幕係N950 上就換回LCD，另外電池容量都「縮水」換成1320mAh。
不過N950 就配備像素更誇張的1200 萬像素鏡頭，亦都有蔡司認證，拍攝質素相信可比N8，另外亦有好用的側滑式QWERTY 鍵盤，講規格更似係MeeGo 的真正旗艦機。
