阿佘離開TVB勇闖內地市場，先賺人仔後賺桃花，盛傳她追求者多多。
佘詩曼近日離開效力了14年的TVB娘家，轉戰神州賺人仔。原來視后都有迷茫時，她自知過去兩年在事業上原地踏步，思前想後決定走出階磚，放眼世界，外闖博一鋪。
揀男朋友，都係博。36歲的黃金剩女阿佘間中dating，順勢擴闊社交圈，有傳內地富豪對她輪住追，甚至傳她早前於內地開工期間，有神秘人坐豪華靚車載滿鮮花等伊人放工，畫面浪漫到暈。阿佘承認等愛，但男友有錢冇錢，她揚言不在意，反而能「一見你就笑」，那個他就pass了。愛很簡單，像花家姐一樣，有heart勝萬金。
黃金剩女佘詩曼的緋聞很多，當中最深入民心的是陳浩民和鄭嘉穎，今年新傳的有神秘富二代和已婚商人Terry。在她口中，陳浩民是拍過拖，鄭嘉穎曾經有feel但沒發展過，另外兩個圈外人則是流料。
擴闊圈子搵男友
阿佘為放眼世界離開無綫，揀男友又會不會順勢放眼世界？她日前在銅鑼灣接受本報記者專訪時笑說：「都會o架，無論朋友、男朋友，我相信都會擴闊圈子。隨緣啦。」有指她早前在內地拍劇超多人吼，富二代輪住追，她卻表現得一頭霧水：「我真係唔明白點解會咁講，我真係一個富二代都識唔到，所有之前所講嘅大陸富商係冇出現過，我唔知你信唔信，係一個都冇。」
近日有傳阿佘在內地開工時，有人目擊片場外停泊神秘的名貴長房車，載着滿車鮮花等阿佘收工，她聞悉後隨即否認：「如果有點會冇人影到啫？咁誇張，梗係冇啦！不過我對呢啲謠言已經麻木咗，十年前已經開始有啦，但嗰時就未興大陸富二代。」
陳浩民和阿佘當年戲假情真，陳更是她唯一承認的男友。
阿佘承認曾與鄭嘉穎有feel，但沒發展
「鍾意咪去愛囉」
阿佘擇偶很簡單，只要一見他就笑便OK。
, GetJetso.com -購物優惠..
自從鄭嘉穎後，阿佘身邊有否出現追求者？她說：「有，了解吓有囉，識吓朋友，正常社交。Dating有o架，但發覺唔啱，唔想嘥晒啲時間。」阿佘是等愛的女人，今時今日她對愛情的要求實在簡單到不能，她說：「最緊要開心，總之望到佢會笑咪得囉，其實好簡單咋，如果我要錢，一早就印印腳啦。我從來都唔係睇錢搵男朋友，由細到大都係，我鍾意咪去愛囉。」
鄭秀文和許志安大方公開戀情，拍住拖旅行四圍去。這種有別一貫搞地下情的做法，令到不少藝人恨到發燒，阿佘也說：「我好戥佢哋開心，每個人處理手法唔同嘅，都好o架。」
不排除閃電結婚
, GetJetso.com -優惠卷..
若拍拖又會否公開？阿佘說：「睇對方啦，未必o架。如果圈外人，可能佢驚、怕醜呢，唔知，到時先算。」時下女星流行閃婚，阿佘亦不排除，她笑說：「我冇諗咁多，有嗰個人出現先算啦，呢啲好難講，情到濃時唔知嘛，但嗰個人都未出現，講乜鬼啫，諗嚟做乜，幻想做乜呀。」天曉得！「喺TVB冇新鮮感」
由選港姐到成為當家花旦，佘詩曼已在TVB效力14年，今年起她改簽部頭約。原因是曾特首話齋：「要打好呢份工。」她要力保自己最愛的演藝工作。阿佘解釋：「我喺TVB好多嘢都做過，我自己冇乜新鮮感，又驚觀眾冇新鮮感，我想畀自己衝擊，咪決定離開溫室，我同TVB仲係好好關係，佢又想我每年拍一部，我覺得冇唔好，做得開心咪得囉。」
http://hk.apple.nextmedia ... ;av_id=15334576 , GetJetso.com -信用咭著數..
