沙漠燈神

話說A哥同B哥因為遇到意外流落沙漠，兩個人一路行一路行，水呀糧食呀咩都冇，係就快渴死之際，A哥突然見到盞神燈，於是就即時拎起擦擦擦叫燈神出黎啦，擦完燈神果然出現，話可以實現佢地每人三個願望......

A哥即時話:我要啤酒......燈神就實現左佢第一個願望。
A哥諗左諗，就話要好多錢同美女......燈神就變左好多錢同美女比佢。
A哥最後個願望，就係想返屋企......燈神就將佢變返屋企了......

跟住燈神就問B哥:你想要咩願望呀?
B哥話:我要一罐啤酒......燈神照做......
燈神又問:第二個呢?
B哥話:都係要一罐啤酒......
燈神問B哥:最後一個呢?
B哥話:一個人飲酒有D悶，你幫我帶返A哥返黎啦......

說話一講完，A哥又係沙漠上出現，就即時問燈神:做咩帶我返黎?燈神話呢個係B哥最後願望，而家已經完成唒，我走喇......燈神就消失了......

A哥即時XYZ都出齊話B哥，但都冇法啦，而家返左黎都走唔到，唯有繼續行啦。於是佢地又行呀行，行行下又比A哥見到另一盞神燈，於是佢就再拎起擦叫燈神出黎啦，又係一人三個願望，吸取過上次既教訓，呢次佢就叫B哥許願先......
B哥同燈神講:我要啤酒......

燈神問B哥第二個願望，B哥都係話:一罐啤酒......
燈神再問B哥，最後你想要咩呢?

B哥諗左一陣，就同燈神講:我諗唔到要咩呀，你走啦......
B哥一講完，沙漠上就只得返A哥同B哥兩個人了......