在蘋果iPhone App Store推出一星期已登收費App下載排行榜第一位的「超級手機號碼追蹤器」，超越全球熱爆的憤怒鳥（Angry Birds）。該App聲稱輸入手機號碼可追蹤持機人位置，惟不少人付費下載後，發現被「搵笨」。有人身在香港卻顯示在非洲，網民質疑蘋果電腦未有做妥測檢就讓產品推出市場，不負責任。粗略計算，若有20萬人購買此App，已賺逾300萬元。
追蹤app捉姦必備?信佢至奇
記者輸入香港手機號碼追蹤友人位置，竟被偵測到友人身在非洲對開海域。
程式簡介尾段鬼祟標明「此程序僅供娛樂」（箭嘴示）。
用家狂插爛App留言
「下載前話係美國高科技，下載後話只是遊戲，沒真正定位功能，有冇人去報警？」「錢就畀咗，根本冇用，唔知點解Apple會接這個垃圾，令我哋俾人呃，快啲回水」
「用不到，死奸商，根本就是騙子」
「download完先話係玩only，回水呀」
「介紹內容絕對誤導消費者，浪費我嘅GPRS，要去消委會告佢呀！」
「從未試過買一個搵笨App，無可能iTunes畀佢喺度誤導，請回水」
「不要受騙，這是100%遊戲，付了錢畀人玩」
「我最少開咗三十次，都冇一次開到！還錢！」
