雷凱欣、葉山豪主演的《3D肉蒲團之極樂寶鑑》上映數天票房已破千萬，不過在片中露點變老點的雷凱欣卻受盡千夫所指，更被網友狂轟露胸鏡頭只得一個，還質疑她用替身露點，前晚雷凱欣聲淚俱下反駁還委屈扁嘴說：「有考慮打畀公司想嗰兩點都cut埋佢，唔好眼寃。」
情慾片《3D肉蒲團之極樂寶鑑》上映五日票房已達1,483萬，在網上亦成熱話，特別是萬眾期待36F的雷凱欣之露點鏡頭，最後這幕僅得半秒，惹來網民狂轟，更質疑雷凱欣用替身露點。
「啲人睇唔起我」
受盡千夫所指的雷凱欣前晚與葉山豪、監製蕭定一、何華超及石詠莉等到銅鑼灣出席慶功宴，對於網友批評，雷凱欣試圖逐點反擊。談到被質疑用替身露點，露點劇照又疑似造假兼被指上圍縮水，雷說：「的確係細啲，嗰時減肥，件衫有pad，視覺上有差距，家長番肉就有信心，畀人話唔開心，話我戲份少扮女主角又露得少，其他三個女主角都有剝，啲人又唔踩，好寃枉。」
越說越委屈的雷凱欣當場落淚，她指當日說露三點是想為角色留一個關子，或令觀眾誤會，她說：「如果係就好抱歉，第三點係有，係陰陽人CG效果，上面有露，下身有薄布遮住，同我換衫嘅人先睇到。」
雷凱欣續扁嘴說：「咁大付出畀人咁講，好委屈，有考慮打畀公司想嗰兩點都cut埋佢，唔好眼寃。既然咁鬧法，唔好令人有遐想。反應咁差，啲人好似睇唔起我。」雷凱欣覺得外界講的說話猶如她做妓女一樣，她強調拍片是着重劇本，不會因網友批評影響決定。
至於備受爭議的雷凱欣半秒露點鏡頭，蕭定一說考慮上映加長版，並考慮將鏡頭剪盡到三秒：「計劃喺4月28日出加長版，DVD就一定有，加長版會差15分鐘，仲有一場葉山豪揸女臨記個胸，有真嘅人奶射出嚟，唔知過唔過到電檢。」
此外，葉山豪昨到新城受訪，談到《肉蒲團》將於五一黃金周出加長版，他說較喜歡加長版，近日獲內地片商斟拍戲的葉山豪謂，太太未看《肉蒲團》，並堅持要單獨入場欣賞。
from:
http://hk.apple.nextmedia ... art_id=15183532
