鄭中基女友余思敏懷有身孕，有指鄭中基之前都想和前妻蔡卓妍（阿Sa）孕育愛情結晶，但不獲前妻配合。阿Sa的現任男友陳偉霆前晚公開表示自己不會做未婚爸爸，也不介意阿Sa不生BB，如阿Sa決意不生，也會尊重女友決定。
鄭中基日前發聲明證實女友、前有線主播余思敏懷有其骨肉，現時有喜4個月。有指鄭中基和前妻蔡卓妍結婚後，一直想要仔女，但阿Sa不願生，直至離婚，兩人都沒有下一代。阿Sa的男友陳偉霆（William）前晚在尖沙嘴出席Marc by Marc Jacobs活動，表示對生兒育女暫沒興趣，就算阿Sa不生都沒問題，可見兩人相當啱key。
陳偉霆對女友前夫快做老竇，連聲恭喜說：「恭喜佢哋，祝福佢哋。」問他有否想過做未婚爸爸？William說：「我？呢啲嘢，呢一刻我係事業為重先，所以冇可能會做到未婚爸爸。」若不小心會有意外，他說：「呢樣嘢我對自己有信心，呢個意外係唔會發生o架，我相信。」問他是否婚後才會造人？或索性禁慾？他說：「其實，我自己呢，真係好似一個運動員咁，我家拍戲所需要係一個運動員嘅生活，將我所有嘅精力發洩晒喺運動上面，好似打拳同跳舞。」
此外，William昨日又到尖沙嘴為鞋騷擔任嘉賓，他親自設計一對情侶裝帆船鞋，大會更為他準備了製成品，讓他跟阿Sa有首對情侶鞋。談到余思敏在微博呼籲傳媒勿追訪家人後，鄭中基即發聲明，William說：「呢件係私人事，我哋身為其他人唔好評論，事實係有BB，我祝福佢哋，希望大家畀空間佢哋。」
William直言將來結婚生仔，會大方公佈，問到會否阿Sa肯生仔才娶她？他說：「鍾意嗰個人先娶，會尊重對方。」追問是否阿Sa不生也OK？他點頭答：「係。」採訪：顏英儀、馬建華
from:
http://hk.apple.nextmedia ... art_id=15161742
