楊怡昨日着上米白色開胸低V露背裙領取十大電視女藝人獎，盛裝赴會大騷身材，前後均風光無限，但她不敢承認是全場最性感。楊怡說：「每逢有頒獎禮我都會盛裝，今次唔係我最性感，今日好多女藝人都好靚，大家無分彼此，不過自己會做好預防措施，最緊要靚，今日我覺得唐詩詠最性感。」
提到無綫最近又搞新意思，力捧「四大美人」，不過名單並沒楊怡，她滿不在乎說：「自己唔care，何況個個都係好朋友。」
佘詩曼盛傳離開無綫，楊怡有望做無綫一姐接班人，她說：「呢個係虛榮，賺多啲錢最緊要，我唔想做一姐，阿姐（汪明荃）、嘟姐（鄭裕玲）就真係一姐，地位冇人可以代替。」
from:
http://hk.apple.nextmedia ... art_id=15144511
