發新話題 Report thanks

3D肉蒲團搵潘霜霜接棒

《3D肉蒲團之極樂寶鑑》下周才上畫打劫宅男荷包,該片監製蕭定一有見電影賣埠理想已封蝕本門,他立即籌拍續集,女主角揀定成功打爛無綫至chok小生林峯齋缽的浙江小舒淇潘霜霜,再夥拍日本AV女優蒼井空,炮製中日導彈炸宅男。
3D肉蒲團搵潘霜霜接棒圖片1
蕭若元和蕭定一去年食腦籌拍全球首部3D情慾片《3D肉蒲團之極樂寶鑑》,由開拍到下周四上映一直哄動,該片近日開始預售門票,成績斐然,蕭定一早前率領男女主角雷凱欣和葉山豪出埠宣傳,吸引不少歐美片商買片,雖然內地被禁,但有指內地旅行社會包團帶同胞來港入場睇戲。斥資約3,000萬港元炮製的《3D肉》片,未上畫已封蝕本門,難怪蕭定一近日已着手籌拍續集,女主角意屬「霜峯戀」大贏家、36D巨胸潘霜霜,夥拍AV杏兒、36G咪咪蒼井空,實行打場中日友誼波。

為了食住這氣勢,蕭定一計劃今年8月開拍續集,當中不僅製作費加碼至4,000萬,連劇情的噴血程度也三級跳。
女主角方面,蕭定一直認人選方面已心中有數,據知他看中近日連番流出慾照,啜爆林峯的舊愛潘霜霜,他昨在電話說:「呢排好多男仔同我講,佢哋話好想睇潘霜霜,猛讚佢好索,除咗佢之外,我又睇中日本AV女優蒼井空,我發覺佢仲未拍到一部代表作,好希望同佢合作,畀佢發揮嘅機會,我留意到佢喺內地巿場反應都唔錯,另一名日本AV女優Rio都好靚。」
蕭定一又說:「我再會喺《3D肉蒲團》入面四名女主角中揀一個留低,邊個有呢個機會仲係未知之數,要睇套戲上咗觀眾反應先決定。」

慾照風波後一直潛水的潘霜霜,早前透露要照顧身在病榻的爺爺,加上負面新聞不絕,令她壓力大增。蕭定一說:「我唔理佢啲私生活,我已搵人聯絡緊佢,佢拍我部戲,坦白講對大家都有幫助。」潘霜霜孭飛,男主角會否刻意挑貌似林峯的演員?蕭定一大玩噱頭說:「我唔介意公開招募個山寨版chok樣林峯。」吸取拍攝《3D肉蒲團》的經驗,蕭定一說:「續集我哋考慮出埠拍,或者去台灣外景,想畀多啲新嘢觀眾睇。」
此外,《3D肉蒲團》中孭飛的日本AV女優原紗央莉和周防雪子大後日來港,翌日會合近日盛傳失蹤的內地女星藍燕,齊為新片造勢。
與蕭若元反面的舊愛白韻琴有興趣看《3D肉蒲團》,她昨在電話說:「我都好奇蕭生到底拍啲乜,葫蘆裏賣乜嘢藥,冇人畀飛我,要畀錢入場就唔睇喇。」白姐姐有意偕謝偉俊入場,她說:「血氣方剛對性有衝動嘅男人都會鍾意睇。」36F導彈的雷凱欣戲中倒奶連場,白姐姐不屑說:「淨係識用個波彈掟人,我唔鍾意睇『大波怪』,我覺得純情嘅波姬小絲養眼啲。」

from:http://hk.apple.nextmedia ... art_id=15134152

TOP

thanks