官塘區雞寮呢個名可能90後既人未必聽過,其實70年代既7層公屋屋村,時至今日已改名為翠屏村,以下呢件事係發生係我老公細個時既經歷.
官塘雞寮,大部份係七層高既公屋,每一單位好細,冇房間,廁所廚房一律欠奉,要煮食便行出大門口走廊位置,隨便有個火水爐,就這樣煮食,要去大小方便,沖涼,你更要行遠些既公共廁所,浴室.
呢件事,發生係我老公大約十歲左右所目睹事情.當時我老公(簡稱:強)係第六座既七樓(即係最高個層),有兩條走廊,走廊係打通(成U字形),單位是最尾既一間,而隔兩個單位住了一家人,一家五口,一父一母,一大女(約12,13歲),兩個仔(分別約8及10歲).阿強同那兩兄弟較老友,更經常到走廊玩.而對面走廊中間單位,住了一家人,這一家人裡面,有一個約30-40男子,患有精神病.他的家人時常用鎖鎖住他在屋內,是防止他走出街.這層街坊是很清楚這單位是經常鎖著.目的是家人不想放了患精神病既男人.若放了他唔知會有咩後果.
有一天,那兩兄弟放學後回家,換完校服,便出走廊最尾單位找阿強出來玩,但阿強因要幫母親照顧一歲大既表妹,所以告知那兩兄弟不能出走廊玩了.那兩兄弟聽了便諗,沒有阿強,自己兩兄弟在走廊玩.初時阿強聽到他們在走廊大叫大嚷,估應該他們是玩得高興,過了十幾分鐘,阿強在家門口望出去,見到那對兄弟在對面走廊既中間單位站著,而那家人門口打開,屋內亦有一個人企在門口前,但聽不到他們說什麼.阿強便沒有再望他們.時間又過了廿分鐘,阿強在屋內聽到出面很嘈,便抱著表妹行出走廊看看,阿強打開鐵閘出了門口,一眼便望向對面走廊中間單位位置,他只見那個單位大門,鐵閘都大開,兩兄弟亦不見了,他想他們三個走到那裡,那個精神病漢又可以開門出來?阿強便抱著表妹行到公共廁所位置時,便聽到兩下好響"拍拍"兩聲.聲音好似從天上跌了兩塊大石既聲,阿強便即時行反去走廊處,從七樓一直望落地下,阿強見到見到......地下有兩個瞓了在地上,那兩個人,阿強一眼便認得是那對兄弟.那時除了阿強,全座每層每户都有人望到這情景.而那個精神病男人既屋企大門,鐵閘仍打開,那男人就呆企在他的住所門口,手上拎住牛皮膠紙.目光呆滯.
那對兄弟之母親一聽到消息,便極快速度跑到落地下,阿強便跟隨落到地下,阿強當時看見那母親擁抱著兄弟,而眼睛仍是開啟眼定定看著母親,還有呼吸.而雙手雙腳被牛皮膠紙綁住,不到五分鐘後,那對兄弟分別斷氣.
而精神病男人則被帶到差館落案,最後開庭審理判刑是入青山醫院接受永久治療.
就從那天起,阿強少了兩個朋友.但恐怖事情就由那對兄弟回魂夜講起......
每一晚,有個小販都會推住手推車到雞寮第5,6座中間位賣粥.時間由8點至11點.這件事發生後,這小販便發覺有問題.星期一至日,生意額都是差不多,每晚都會有賣淨既粥,但係這對兄弟既事之後,小販漸漸發覺到一星期七天,每逢星期四晚上,生意不可講得上是好,但每次客人收錢時,小販一定會數得清清楚楚.但係逢到星期四收工數錢時,永遠都會出現一D 唔應該出現既野- 冥通銀行印既紙幣.而且黎買粥既客人唔多,但係那煲粥必定比其他六天賣得特別快,有時亦試過未到收工時間,粥已經沽清.還有一樣好特別既事情,每逢星期四晚,黎買粥既人,小販大約計算過,成日都有好多十餘歲既小朋友黎買粥,後尾呢個小販同D街坊講,以後逢星期四晚休息不做生意,他不想看見......]
請按『讚好』，接收更多相關主題。
如果您喜歡這篇鬼故事，請按「讚」或分享給您的朋友，以示鼓勵。
