[資訊分享] 原來鬼都有分顏色??

有人話見到鬼係白色，有人話係青色、紅色，原來咁多顏色係表示鬼o既怨氣指數同見鬼者o既精神狀態。
大致上可以分為六種顏色鬼，即刻睇睇個排行榜！

第六位：灰心鬼（灰色）
怨氣指數：＊（最高為五＊）
點解咁既色：呢Ｄ係範指一Ｄ排隊投胎的鬼，係最常被人所見的。
邊個會撞：無定，其實佢都唔想俾你見，只係咁ｏ岩你同佢腦電波搭上，先可見其形其相。

第五位：白衫鬼（白色）
怨氣指數：＊＊
點解咁既色：呢Ｄ通常係一Ｄ新魂，即係剛剛死無耐的人所化成，一般唔會對人有傷害性，其怨氣亦唔高。
邊個會撞：都係無一定，見到只怪你時運低，不過佢無啦啦都應該唔會搞你。

第四位：黃頁鬼（黃色）
怨氣指數：＊＊＊
點解咁既色：死者死因同物質有關，例如因破產自殺、被劫殺的人死後就變黃色。
邊個會撞：個排被金錢或物質生活問題所困擾的人，會特別容易見到。

第三位：黑影（黑色）
怨氣指數：＊＊＊＊
點解咁既色：黑色的鬼，通常都係由一Ｄ因惡病或鬱鬱不歡致死的人而變成，不過亦有人話係一Ｄ枉死而怨氣重的鬼想搵替身時出現的形態。
邊個會撞：有疾病的人，見病死鬼命中率高Ｄ。

第二位：厲鬼（紅色）
怨氣指數：＊＊＊＊
點解咁既色：據說枉死或因感情問題自殺或至死的人就會變厲鬼，不過坊間所謂著紅衫自殺會變厲鬼其實係錯架！因為死時著咩衫，亦無關係，係要睇怨氣有幾深先ｏ岩。
邊個會撞：個排有感情問題，被情所困而令時運低者，見的機會較高。

第一位：攝青鬼（青色）
怨氣指數：＊＊＊＊＊
點解咁既色：鬼法力最高者，能吸人靈氣、令人短壽，仲可化成人身，穿牆過壁，又可以日間現身，移動物件以達其目的。
邊個會撞：做得壞事太多，甚至乎係傷害過人地生命的人會特別容易撞到正，因住俾人搵替身。