樂基兒（Gaile）自從08年做了黎明嫂後，每年都惹來懷孕疑雲，但每次都只屬流料。去年底傳出Gaile懷孕兩個月，適逢她銷聲匿迹近3個月，前晚她到中環出席活動時即被指匿埋懷孕，現年30歲的她表示雖未有生育計劃，但事先張揚若將來造人不成功，一定會考慮人工受孕，似有意效法陳慧琳人工受孕做母親。
現年30歲的樂基兒（Gaile）和黎明下月9日就結婚三周年，Gaile現時享受少奶奶生活，工作量也不算多，早前她更趁聖誕和新年假期一口氣放足近3個月長假，又先後與黎明和友人旅行，不過去年底卻有傳她已懷孕兩個月。
事實上Gaile每年都會傳出懷孕消息，但最後也屬流料，久未露面的她前晚到中環出席Dior的唇膏活動，由於堪輿學家麥玲玲早前批她和黎明今年有機會有喜，故此Gaile甫出現即被記者追問是否造人成功。不過現場所見，穿上價值59,000元Dior春裝的Gaile腹部平坦，相信懷孕之說不攻自破，她也否認懷孕傳言，並坦言未有造人的計劃。
問Gaile會否效法陳慧琳般以人工受孕方式生BB時，她即說：「每個人都有自己選擇，人唔人工都冇所謂，BB生出嚟健康就得，我未開始試（指造人），睇吓遲啲試唔試，如果試過唔得就一定會考慮（指人工受孕）。」
黎明的舊愛李嘉欣本月8日榮升母親，Gaile自言已經送上恭喜，又大讚李嘉欣懷孕時仍十分美麗，她說：「我哋恭喜咗佢同送埋禮物，不過就唔講得係乜嘢禮物，我好戥佢開心，之前喺公司有見佢，去完旅行返嚟就聽到佢生baby。」雖然身邊人相繼做了母親，但Gaile強調不會加速她生BB的念頭。
from:
http://hk.apple.nextmedia ... art_id=15012091
