有浸大咪神之稱的楊梓瑤（Carol）去年炎夏憑34E巨咪成功上位，天賦本錢兔年再出擊，變身暴乳兔女郎賀新歲，一身迷人pink lady打扮，索爆鏡前。Carol希望兔年可像兔子般蹦蹦跳，演藝成績大躍進，並預告要攻入打女行列。
性感對擁有34E上圍的浸大咪神楊梓瑤來說絕沒難度可言，為迎接兔年，她日前cosplay變身暴乳兔女郎，谷咪向大家拜年。Carol表示兔年希望在電影圈有一番大作為，她計劃習武做打女。
Carol穿上粉紅色低胸吊帶裙，配上兔耳朵頭箍，34E上圍呼之慾出，她又不時拿紅蘿蔔湊近臉龐，嘟嘴曬可愛，搖身變性感「慾」兔，務必令宅男噴血。談到兔年願望，Carol說：「我想試嚇做打女，有時間會學kick boxing練身手，打女畀人好型嘅感覺。」
去年工作不絕的Carol，荷包腫脹，今年為了取得利利是是好意頭，她準備花萬元派利是，經理人公司同事人人有份，她說：「呢啲係開心錢，希望為大家帶嚟好運，人人今年都賺多啲。」
派利是之餘，Carol笑言也會努力狂利是幫補，她說：「不過我發覺人大個咗，利是收入一年比一年少，細個時媽咪會畀金牛大利是我哋，但家開始賺錢，佢反而畀細封咗。冇所謂啦，我反而今年會畀多啲錢媽咪過年，仲會額外買禮物畀屋企人，等大家都開開心心。」為添好運，Carol表示還會買全新紅bra和紅底褲，希望旺氣由內到外散發出來。
from:
http://hk.apple.nextmedia ... art_id=14943669
