Angelababy日前與男友黃曉明在澳門甜蜜迎新歲後，旋即投入工作。今個新春她將忙不停，但也準備了一個寓工作於娛樂的慶祝節目，就是約劇組人員把酒暢飲度新歲，為拍攝中的角色鍛煉酒量。
Baby片運亨通，常與前輩合作，她尤其感激劉德華：「早排我同華哥喺《建黨偉業》中飾演一對戀人，華哥扮將軍蔡鍔，我飾演小鳳仙，原本有場戲只得我去演，佢根本唔使在場，但佢為咗幫我入戲，特登走到鏡頭前同我溝通，等我培養情緒，我覺得華哥好照顧新人。」
Baby又透露要為新戲作準備：「我要扮演一個好酒量嘅女人，但現實中我對酒敏感，飲一啖都皮膚敏感，早排我就試飲酒，飲咗一啖成臉紅晒，但好彩冇痕癢，我相信可以克服。大年初一嗰日有大班工作人員陪我暢飲練酒量，幾難得呀，我想試吓飲醉酒，或者對我演戲有幫助。」
踏入兔年，Baby除了親手畫了一隻可愛的Baby兔應節外，還拿着「福」字揮春恭賀大家全年捧「福」大笑，所有人都身體健康，她帶點歉意的說：「我舊年不停工作，結果捱病咗至少三個助手，惟獨自己越做越精神，希望今年個個都龍精虎猛啦。」
from:
http://hk.apple.nextmedia ... art_id=14941709
