黃百鳴聯同賀歲片《最強囍事》的導演陳慶嘉、演員林司敏及李曼筠到商台宣傳，黃百鳴自誇賀歲片潮流是他帶起，但瘦田無人耕耕開有人爭，他說：「舊年志偉用陰招贏咗，由於佢有巨大後台，不過今年我哋有張栢芝、劉嘉玲、甄子丹大卡士。」黃百鳴指兩片前天在內地同步上映，《最》片已取得過千萬票房，黃百鳴風騷說：「我諗佢哋收一半都冇，不過我哋唔會輕視，因為佢有後台支持。」《最》和《我》片前日齊齊在內地上畫，《最》片以1,300萬人民幣，打低收300萬的《我》片。
黃百鳴前晚與陳慶嘉到會展《我愛HK開心萬歲》的首映踩場，談到志偉日前穿上《我》片的T恤到《最強囍事》首映踩場，黃百鳴半認真說：「志偉着埋恤嚟係錯，搞到啲賓客以為嚟錯咗，我就唔會咁做，我有職業道德。」
from:
http://hk.apple.nextmedia ... art_id=14935942
